Каталонликлар бир ҳафта ичида ярим ҳимоячи Ориол Ромеу ва дарвозабон Иньяки Пенья билан шартномаларни бекор қилишни, шунингдек, ҳужумчи Пау Викторни сотишни хоҳламоқда.

Ромеу ва Пеньянинг шартномалари яна бир йил амал қилади ва агар шартномалар муддатидан олдин бекор қилинса, улар қолган маошнинг бир қисмини оладилар. Ярим ҳимоячига Ла Лига клублари, жумладан, ўтган мавсумда Ромеу ижара асосида ўйнаган "Жирона" қизиқиш билдирмоқда.

Пеньяга хорижий клублардан таклифлар бор, лекин дарвозабон Примерада қолишни хоҳлайди.

"Барса" Викторни 10 миллион еврога сотишга ёки унинг ҳуқуқларининг ярмини 5 миллион еврога сотиб, қайта харид қилиш ҳуқуқи билан бериб юборишга тайёр. Манбага кўра, ҳужумчи жамоа билан турнега бориши эҳтимолдан холи эмас, лекин унинг келажаги барбир сўроқ остида.

"Барса" Осиё турнеси бошланишидан олдин уч нафар футболчи билан хайрлашмоқчи