"Diario Sport" хабарига кўра, 18 ёшли футболчи каталонияликлар сафида ўйнашни истамоқда, "кўк-анорранглилар" эса унинг дортмундликлар билан келаси ёзда тугайдиган шартномасини узайтириш бўйича якуний қарорини кутмоқда.

Томонлар бир неча ойдан бери музокаралар олиб бормоқда, германияликка "Барса"нинг таклифи манзур келган.

Каталония клубининг режаси Мукоко билан шу ёзда текинга шартнома имзолаш. "Барселона"дагилар Юссуфа агар дортмундликлар билан келишувни узайтирмаса, каталонияликлар сафига келади деб ҳисобламоқда.

Шу билан бирга, "Барселона" бу қишда аниқ ҳужумчи сотиб олмайди, чунки Ла Лигадаги молиявий чекловлар туфайли уни рўйхатдан ўтказа олмайди.

Мукоко Бундеслига жорий мавсумида 14 та ўйинда майдонга тушиб, 6 та тўп киритди ҳамда 3 та голга ассистентлик қилди.

"Барса" ёзда Мукокони бепул қўлга киритмоқчи