Хабар берилишича, Каталония клуби футболчини "Леганес"дан олган нархи, яъни 18 миллион евродан камига сотмайди.

Қайд этиш керакки, Брэйтуэйтнинг трансферига "Эвертон" ва "Вест Хэм" клублари қизиқмоқда. Аммо, клублар коронавирус туфайли молиявий аҳвол қандай бўлишини билишмаяпти.

"Барселона" раҳбарияти ҳар қандай ҳолатда ҳужумчининг бошқа клубга ўтишига тўсқинлик қилмайди. Аммо, у "Барса"да қолиши ҳам мумкин. Клуб унинг профессионаллигидан мамнун, у жамоага яхши мослашмоқда. Мухлислар ва жамоадошлари ҳам уни яхши қабул қилишди.

Брэйтуэйт жорий мавсум "Барса"да Ла Лигада 3та ўйинда майдонга тушиб, 1та ассист қайд этди.

"Барселона" Брэйтуэйтни 18 миллион евродан камига сотмайди