Рональд Куман "Барселона" бош мураббийлигидан истеъфога чиқарилгандан сўнг, бразилиялик футболчи клубда қўллаб-қувватловчидан маҳрум бўлди. "Кўк-анорранглилар" бошқарувидагилар Коутиньонинг ўйинидан норози, аммо унинг профессионаллигини юқори баҳолайдилар.

"Барса" Коутиньони қишда сотмоқчи. Клуб буни мавсум сўнггида ҳам, ўтган ёзда ҳам хоҳлаганди, аммо ярим ҳимоячининг трансфери бўйича яхши таклифлар бўлмади.

"Барселона" эндиликда "Ньюкасл"нинг Коутиньога қизиқиш билдираётганига умид қилмоқда. Қайд этилишича, Каталония клуби Филиппни сотиб олиш мажбурияти билан ижарага беришга рози.

Жорий мавсумда 29 ёшли футболчи Ла Лигада 8 та ўйин ўтказиб, 1 та гол уришга эришди.

"Барселона" Коутиньодан қутулмоқчи