Айни дамда Каталония клубидагилар қуйидаги ишларни қилиши керак:

- Денис Суарес ёки Малком билан хайрлашиш.

- Тодибони қишда ўз сафига қўшиб олиш.

- Рабьонинг келажаги.

Денис Суарес ва Малком "Барселона" асосий таркибига кира олишмаяпти. Клубдагилар бу футболчиларнинг биридан қутилиши керак. Бу йигитлар жамоа бош мураббийи Эрнесто Вальверде услубига мос тушмаяпти.

Бир неча кун олдин "Барселона" "Тулуза" ҳимоячиси Жан Клер Тодибо билан келишиб олгани ва футболчи ёзда Каталония клубига ўтиши эълон қилинган эди. Кўк-анорранглилар ёз келишини кутмоқчи эмас. Улар қишдаёқ футболчини ўз сафига қўшиб олиш ниятида. Аммо Франция клуби ҳимоячини ҳозир бериб юбормоқчи эмас.

ПСЖ сафида майдонга тушмаётган ва клуб билан битимни узайтирмаган Адриен Рабьо Каталония клубининг бош оғриғига айланди. Рабьо "Барселона"га ўтиши аниқ бўлганида футболчининг онаси қўшимча пул сўраб, режаларни чиппакка чиқарди. Каталония клубидагилар 3 кун ичида ушбу масалани ижобий ҳал қилишмоқчи.

"Барселона" офисидагилар 3 кун жуда банд бўлишади