Каталония клуби ЛаЛиганинг сўнгги 4та учрашувида ғалаба қозона олмади. Бундан ташқари, кўк-анорранглилар ҳимоя чизиғида муаммолар бор. Самуэль Юмтити ва Томас Вермален жароҳат туфайли бир неча ҳафта майдонга туша олишмайди. "Барселона" ҳимоя марказида ўйнаш учун икки нафар футболчи қолган: Херард Пике ва Клеман Лангле. Пикенинг ўйини аввалгидек ишончли эмас. Вальверде кимни майдонга туширишни билмай боши қотган.

Каталония клуби раҳбарияти жамоа бош мураббийидан "Барселона B" жамоаси футболчиларидан кўпроқ фойдаланишни сўради.

Diario Sport нашри журналисти Альбер Рожер Эрнесто Вальвердени Ла Масия тарбияланувчиларидан фойдаланмаётгани учун танқид қилди.

"Мураббий Ла Масияга ҳам эътибор қаратиши керак. Вальверде "Барселона B" жамоасининг марказий ҳимоячиларига эътибор қаратмаяпти. Алена "Барселона B"га қайтарилди, Сампер эса умуман қайдномага киритилмаяпти. Ёшлар фақат биринчи жамоа билан машғулот қилишмоқда. Нималар бўляпти ўзи?" - дейди Альбер Рожер.

"Барселона" раҳбарияти Вальвердедан бир нарсани илтимос қилди