"SoccerTalk"нинг хабар беришича, "Манчестер Юнайтед" Каталония клубидан 28 ёшли ҳужумчи учун тўлиқ 26 миллион фунт миқдоридаги тўловни талаб қилмоқда. Бироқ "Барселона" тўлиқ суммани олдиндан тўлашдан бош тортмоқда ва тўловни бир нечта мослашувчан қисмларда амалга оширмоқчи.
Манбанинг сўзларига кўра, "Барселона" ва "Манчестер Юнайтед" ўртасидаги бу қарама-қаршилик "Милан" ва ПСЖ эътиборини тортди, улар Рэшфордни сотиб олмоқчи.
"Барселона" ва "россонери"дан фарқли ўлароқ, парижликлар "қизил иблислар"нинг футболчи учун сўраган нархини тўлиқ қондиришга тайёр. Бироқ Рэшфорднинг ўзи фақат "Барселона"да ўйнашни хоҳлаётганини айтди.
Англиялик футболчи жорий мавсум "кўк-анорранглилар" сафида 39 ўйинда майдонга тушиб, 10 та гол урди ва 13 та голли пас узатди. Унинг "Барселона" билан ижара шартномаси шу йилнинг июнь ойида тугайди ва клуб сотиб олиш бандини фаоллаштирмаса, у Англияга қайтади.
