"Mundo Deportivo" хабарига кўра, Рафинья ҳам, унинг атрофидагилар ҳам Осиёдан қизиқишлар бўлаётганини яхши билишади. Бироқ Каталония клубига ҳали расмий таклиф келиб тушмаган.
Ўтган ёзда Рафиньяни "Лидс"дан сотиб олиш учун 55+10 млн евро тўлаган каталонияликлар унинг кетишидан энг камида 40 млн евро ишлаб олишни истамоқда. Футболчининг шартномасидаги товон пули эса 1 млрд евро қилиб кўрсатилган.
Агарда расмий таклиф бўлса, "кўк-анорранглилар" футболчини сотиш борасида ўйлаб кўрмоқчи. Ўтган мавсумда Рафинья "Барселона" таркибида ЛаЛиганинг 36 ўйинида қатнашди ва 7 гол урди.
