Бугун лига раҳбари прокуратурага Каталония клуби ҳакамлик қўмитаси собиқ вице-президентига пул тўлагани ҳақида ёлғон маълумотлар йўллагани маълум бўлди.

Кейинроқ, Тебас ушбу гаплар ёлғонлигини, у тақдим қилган ҳужжат ҳақиқий эканлигин ва ҳеч кимни айбламаётганини эълон қилди.

"Душанба куни Ла Лига президенти Хавер Тебас клубимизни айблаш учун прокуратурага ёлғон далиллар юборган, тилга олинган маълумотларнинг жиддийлигини ҳисобга олиб, "Барселона" бундан ғазабда эканлигини билдирмоқчи.

Шу сабаб ЛаЛига президентидан Тебас жаноблари расмий баёнот беришини хоҳлаймиз.

"Барселона" президенти Жоан Лапорта сўнгги ҳафталарда айтганидек, клуб ҳеч қачон содир бўлмаган воқеаларда ўзини қурбондек ҳис қилмоқда: "Барса" ҳеч қачон ҳакамларга пора бермаган.

Бир тўда оммавий ахборот воситалари ва фикр билдирувчилар бу таъқибга озми-кўпми ёмон ниятлар билан жалб қилинган ва Ла Лига бизнинг клубга қарши парда ортидан бизга қарши иш қилган ва унинг президенти клуб суд қилинишиданаввал бизни жамоатчилик кўзи олдида қоралади.

Бу Ла Лига президенти ўзининг барча оммавий ахборот воситаларини "Барселона"га путур этказиш учун биринчи марта ишлатаётгани йўқ, лекин унинг одатдаги бемаънилигидан ташқари, у бизнинг клубимизни ёлғон далиллар билан айбламоқчи бўлишини ҳеч қачон тасаввур ҳам қилмаган бўлардик.

Ла Лига президенти ўрни обрўсини ҳисобга олиб, Тебас ўз жойини тарк этиши керак.

Бироқ, унинг “Барселона”ни таҳқирлаш билан шуғулланаётгани ва клубимизни доимо ёқтирмаслигини инобатга олган ҳолда, Ла Лиганинг амалдаги президенти ўз хатти-ҳаракатида давом этишини ва клубимизга зарар етказишда давом этишини тушунамиз”, — дейилади “Барселона” баёнотида.

"Барселона"дагилар ЛаЛига раҳбари Тебасга истеъфога чиқишни маслаҳат беришди