Мюнхенликлар шу йўл билан "Кайзерслаутерн" жамоасига молиявий ёрдам беришади. Яъни, мазкур ўртоқлик учрашувидан тушган маблағнинг барчаси "Кайзерслаутерн" клуби ҳисоб-рақамига ўтказиб берилади.

Айни пайтда клуб молиявий инқирозда. "Бавария" томонидан ташкиллаштирилаётган мазкур ўртоқлик ўйинидан тушган пуллар жамоага келаси мавсум Германия учинчи лигасида ўйнаш учун қўлга киритилиши лозим бўлган лицензияни олишда ёрдам бериши кўзда тутилган.

"Бавария" катта ўйинларда доим ҳам "камбэк" амалга оширмаган бўлиши мумкин. Лекин инқирозга кўчасига кириб қолган ва йўқолиб кетиши хавфи бўлган жамоаларга катта футболда "камбэк"ни амалга ошириши учун бевосита ёрдам қўлини чўзиб келади. "Кайзерслаутерн" бу борада 11-жамоага айланади.

"Бавария" инқироздан қутқарган клублар рўйхати:

▪️«Герта» (1995)
▪️«Кемницер» (2003)
▪️«Санкт Паули» (2003)
▪️«Боруссия» Д (2005)
▪️«1860 Мюнхен» (2006)
▪️«Дармштадт» (2008)
▪️«Алемания Ахен» (2013)
▪️«Ганза» (2013)
▪️«Динамо» Дрезден (2015)
▪️«Оффенбах» (2017)
▪️«Кайзерслаутерн» (2019)

Маълумот ўрнида: "Кайзерслаутерн" 4 карра Германия чемпиони ҳисобланади. Шунингдек, жамоа икки маротаба Германия кубогини қўлга киритган ва Германия Суперкубогида ғалаба қозонган. Айни пайтда инқирозга йўл тутаётган мазкур жамоа 1999 йили Европа Чемпионлар лигасида иштирок этиб, чорак финал босқичига қадар боришни уддалаган. Қўшимчасига, жамоа икки маротаба УЕФА Кубоги ярим финалига чиққан.

Айни пайтда инқирозга йўл тутаётган жамоа Германия учинчи лигасида иштирок этиб, турнир жадвалининг 9-ўрнида бормоқда. Келаси мавсум ҳам мазкур лигада қатнашиш учун рухсат берувчи лицензияни олиш учун эса маблағ зарур.

"Бавария" — "камбэк"лар қироли!