Алекс Гримальдо "Барселона" ва "Бавария"нинг эътиборини тортмоқда. Журналист Маттео Моретто 30 ёшли ҳимоячининг яна Испанияга ўтиши ҳақидаги гаплар фаоллашганини тасдиқлади. У "Бавария" футболчининг вазиятини кузатаётганини таъкидлади, бироқ футболчининг ўзи ҳам, қарор қабул қилиш вақти келса, Испанияга қайтишни маъқул кўришини айтди. "Барселона" Грималдонинг вазиятини кузатиб бормоқда, аммо ҳозирча аниқ ҳаракатлар қилинмаган, бунга Бальде билан боғлиқ ҳолат сабаб.

Манбанинг қўшимча қилишича, "Байер" "ўзининг энг яхши ўйинчиларидан бирининг "Бавария"га ўтишини истамайди, шу сабабли эҳтимолий трансфер тўғридан-тўғри Ла Лига билан боғлиқ бўлади. Бундан ташқари, у клуб ва футболчи ўртасидаги муносабатлар аъло даражада эканлигини таъкидлади: "Агар Грималдо қачондир Испанияга қайтиш истагини билдирса, томонларнинг ҳеч бири бу ўтишга тўсқинлик қилмайди."

Эслатиб ўтамиз, Гримальдо олдинроқ "Барселона Б" жамоасида ўйнаган, испаниялик футболчи "блауграна"нинг тарбияланувчиси ҳисобланади.

"Бавария" ва "Барса" Гримальдога қизиқиш билдирмоқда