"Бугун бизни қўллаб турган мухлисларга катта раҳмат айтмоқчиман. Тан олиш керак бугун ўйинимиз чиқмади, лекин айнан мухлисларнинг қўллаб қувватлаши туфайли йигитлар охиригача курашишди ва ғалабага эришдик. Андижон халқини ва клуб раҳбариятини бугунги ғалаба билан табриклайман. Бугунги ғалабанинг асосий омили мухлисларимиз бўлишди. Бу футболчиларга қўшимча куч бағишлади. "Нефтчи" жамоаси ўзидан яхши таассурот қолдирди. Улар ҳимояда ўйнаб қарши ҳужумга ўтишларини билардик. Иродали ғалабага эриша олдик. Ҳамжиҳатлик эвазига 3 очко олдик.

Ўйиндан олдин мухлислар олдида ишончни йўқотиб қўйишдан қўрққандим. Сабаби бундан олдинги 3та ўйинда ютқазиб қўйгандик. Айни пайтда чиройли ўйиндан кўра натижа муҳимроқ.

Учта ҳужумчи билан ўйинни бошладик, бу таваккал эди. Иброҳим Отахонов бир тайм давомида жуда кўп куч сарфламоқда, шу боис унинг ўрнига бошқа футболчи тушираяпман. Ғулом Ўруновда стандарт вазиятлардан фойдаланиш ҳусусияти борлиги учун майдонга туширдим. Муаммоларимиз етарлича, бунинг устида ишлашда давом этамиз. Бугун футболчилар кўп хато қилишганига сабаб дастлабки 3та турдаги мағлубиятлар деб биламан", - дейди Ашурматов.

"Андижон" матбуот хизмати

Бахтиёр Ашурматов: “Айни пайтда чиройли ўйиндан кўра натижа муҳимроқ”