- Ўйин ҳақида айтадиган бўлсам, бугун 1:0 ҳисобида ғалаба қозонаётган эдик. Лекин иккинчи бўлим охирида гол ўтказиб юборганимиз эвазига мағлубиятга учрадик. Аламли мағлубият бўлди.

Мағлубият учун биз - мураббийлар штаби айбдормиз. Ҳаёт тўхтаб қолмайди, ишлашда давом этамиз.

Бугунги каби ўйинларда охирги дақиқаларга келиб гол ўтказиб юбораяпмиз. Шу сабаб ғалабалар қўлдан чиқиб кетаяпти. Йигитлар ўйин сўнгида консентрацияни йўқотиб қўйишмоқда. Хато ва камчиликлардан хулоса чиқарган холда ишлашда давом этамиз.

Мақсадимиз кучли бешликка кириш ва ҳозир ҳам ўзгармаган. Ҳали олдинда ўйинлар бор, вазифамизни уддалаймиз деган умиддамиз.

Трансферлар ойнаси вақтида жамоани кучайтириш ниятимиз бор. Бугун "Янгиер" кучли ҳоҳиш эвазига ғалаба қозонди деб ўйлайман - дейди Бахтиёр Эргашев.

Бахтиёр Эргашев: "Оқ-тепа" нинг мақсади - кучли бешликка кириш"