"Бугунги учрашув жамоамиз учун жуда оғир кечди. Биринчи бўлимда футболчилар ёмон ўйин номоиш этмади. Иккинчи бўлимда эса майдонга тушган барча футболчилар билдирилган ишончимни оқлай олмади. Уларга топширилган вазифаларни майдонда кўрсатиб бера олмадилар. Йигитларга ирода ва ўзига бўлган ишонч етишмади. Майдонга тушаётган ҳар бир футболчи нима учун чиққанини билиши керак ҳамда мураббий кўрсатмаларини бажариши лозим. Баъзи футболчилардан буни кўрмадим. Кўрсатмалар бажарилмай қолди ва мағлубиятга сабаб бўлди. Бунда бош мураббий айбдор бўлади. Ўйинни қайта кўргандан сўнг бу ўйинни тахлил қиламиз. Футболчилар билан руҳият борасида кўп ишлаш керак. Айниқса ёш футболчилар майдонда ўзини йўқотиб қўймоқда. Аслида 18-19 ёшли футболчилар аллақачон катта футболга мослашиши лозим. 18 -19 ёш футболчини энди бундай ёш болаларча хато қилишга ҳаққи йўқ эди", - - дейди Бахтиёр Саттаров

- Ёшлар жамоасида биринчи марта бош мураббий сифатида фаолият олиб бормоқдасиз? Ортда қолган учта ўйиндан сўнг умумий фикрлар қандай бўлмоқда?

Турдан-турга футболчиларни имкониятларини, жисмоний тайёргарликларини, руҳий ҳолатини, тактик ва техник тайёргарликларини ўрганган ҳолда тахлил қилиб бормоқдаман. Бешинчи-олтинчи турларга бориб барча футболчиларнинг қай даражада салоҳиятга эга эканлигини билиб олишим мумкин. Биринчи турда футболчилар иродали ўйин кўрсатган эди. 0: 2 ҳисобида ортда қолган жамоа бу вазиятдан чиқиб кетди 3: 2 . Сафарда "Андижон" билан учрашувда эса охирги дақиқаларда йўл қўйилган хато қимматли икки очкодан маҳрум қилди.

- Амалдаги ёшлар лигаси чемпионини вазифаси нимадан иборат ? Жамоани қабул қилиб олаётган вақтингизда раҳбарият Сизга қандай вазифалар қўйишдилар ?

Жамоани қабул қилиб олаётган вақтимда раҳбарият менга аниқ вазифаларни белгилаб берди. Келаётган мавсумга асосий таркиб жамоасининг кучсиз чизиқларини ўзимизнинг ёшлар билан тўлдириш ва уларни муносиб футболчи қилиб тарбиялаш бош мақсад қилиб қўйилди. Фикримча ёшлар лигасининг асосий мақсадларидан бири бош жамоасига муносиб футболчиларни тайёрлашдан иборатдир. Биз бу мавсум ҳам бош соврин учун охирги тургача кураш олиб борамиз.

Бахтиёр Саттаров: "Бош соврин учун охиргича курашамиз"