Леверкузеннинг "Байер" клуби "Бавария"нинг ҳимоячи Жонатан Тани трансфер қилиш бўйича таклифини рад этди, деб хабар берди "Sport Bild".

Хабар қилинишича, "Бавария" 28 ёшли Та учун 20 миллион евро таклиф қилган, "қора-қизиллар" эса уни 40 миллионга баҳолаган. Қолаверса, "Байер" ўзининг асосий рақибини кучайтирмоқчи эмас. Танинг ўзи трансфердан манфаатдор, аммо қулай таклиф бўлмаса – бир йилдан сўнг ҳимоячи текинга кетиши мумкин бўлса ҳам, музокаралар бўлмайди.

Жонатан Та 2023/24 йилги мавсум "Байер" таркибида 48 та ўйинда қатнашиб, 6 та тўп киритди ва 1 та голли пас узатди.

"Байер" "Бавария"нинг Та бўйича таклифига рад жавобини берди