“Локомотив” ПФК ишчи-ҳодим ҳамда футболчилар коллективи барча ўзбекистонлик темирйўлчиларни касб байрами билан табриклаймиз. Темир йўллар - юртимиз иқтисодиётининг "қон-томири". Юртимиз иқтисодиётининг янада ривожланаётганида эса Ўзбекистон темирйўлчиларининг хиссаси беқиёсдир. Зеро аҳолининг бир манзилдан иккинчисига ҳеч бир қийинчиликсиз етиб олишида, мамлакатимизда ишлаб чиқарилаётган товар ҳамда махсулотларнинг хориж давлатларига экспорт қилинишида Темир йўллар - энг асосий транспорт йўлаги вазифасини ўтаётгани барчага бирдек маълум. Шу сабабли ушбу соҳа мехнаткашлари ҳар қандай мақтовга лойиқдир.

Ўзбек футболининг энг олдида илдамлаб кетаётган "Локомотив" ўзбекистонлик темирйўлчиларни касб байрами билан қутлайди!

"Ўзбекистон темир йўллари” АЖ бошқаруви раиси А.Ж. Раматовнинг Темирйўлчилар касб байрамига бағишланган табрикномаси

Ҳурматли ҳамкасблар!

Сизларни ва Сизлар орқали жамоа аъзоларингизни мамлакатимиз мустақиллигининг йигирма олти йиллиги арафасида нишонланаётган темирйўлчилар касб байрами билан самимий табриклайман.

Юртимизнинг буюк келажаги, халқимизнинг фаровонлиги, бахт- саодати, соҳамизнинг бунданда юксак тараққиёти йўлида олиб бораётган кенг қамровли бунёдкорлик фаолиятингизда катта зафарлар тилайман.

Барчангизга узоқ умр, сиҳат-саломатлик, хонадонингизга тинчлик, фаровонлик, юртимиз равнақи йўлидаги ишларингизда муваффақиятлар ёр бўлсин!

Ҳурмат билан, А.Ж. Раматов

Байрам муборак, азиз темирйўлчилар!