Англия терма жамоасининг собиқ футболчиси маҳаллий вақт билан тахминан 2:15 да навбат олган бўлса, 15:25 оралиғида Британия қироличаси тобути олдига етиб келди.
"Принглс еймиз. Шербет Лемонс еймиз. Сендвич ва кофе", - деди собиқ футболчи.
"Мен роялчилар оиласида ўсганман. Мени шундай тарбиялашган: агар бувам ва бувим тирик бўлганларида, улар ҳам бу ерда бўлишни истаган бўлардилар. Шунинг учун, мен бу ерда улар, оилам ва албатта атрофимдагилар номидан бўлиб турибман.
Менинг омадим келган. Англия терма жамоаси сардори сифатида мамлакатим шарафини ҳимоя қилганман ва кўп маротаба у билан учрашиш имконига эга чиққанман.
Ҳар доим биз терма жамоа либосида турганимизда, қўлимда сардорлик боғичи бўларди ва биз "Худойим, қироличани асра"ни айтардик. Бу биз учун катта аҳамиятга эга эди.
Мен учун энг аҳамиятли лаҳзалардан бири Британия империяси Орденини олганим эди. Мен шунчаки мукофот олгани чиқмаганман, Ҳазрати олиялари билан гаплашганман, у менга саволлар берган. Ҳаётим давомида мана шундай дамлар бўлгани менинг омадимдир", - деди Бекхэм.
Дэвид маросимда 13 соат кутганига қарамай, "тиззалари билан барчаси жойида" эканлигини айтди.
У 2003 йилда қиролича қўлидан Британия империяси Орденини қабул қилиб олган.
Изоҳлар