Ярим ҳимоячи Ла Лига доирасидаги "Атлетико"га қарши ўйингача қайтиши мумкин. Англиялик футболчи февраль бошидан бери ўйнамаяпти — у "Райо Вальекано" билан ўйинда сонининг орқа қисмидан жароҳат олганди.
Ҳозирда футболчи машғулотларни бошлаб юборган. У Чемпионлар Лигасида доирасидаги "Манчестер Сити" (2:1) билан ўйинда иштирок этишга шай турган, бироқ мураббийлар штаби бу борада шошилмасликка қарор қилган.
Эҳтимолий сценарий — Беллингемнинг 23 мартга ўтар кечаси бўлиб ўтадиган Мадрид дербисида, яъни "Атлетико"га қарши ўйинда иштирок этиши.
"Реал" 28 турдан сўнг Испания чемпионатида 66 очко билан иккинчи ўринда бормоқда. "Атлетико" эса 57 очко билан учинчи ўринни эгаллаб турибди.
