Бенедикт Хеведес бутсаларини "михга илди"

Mirjalol Normatov

2 aug 2020

Москванинг "Локомотив"и, "Шальке", "Ювентус" ва Германия термасидаги ўйинлари билан дунё назарига тушган ҳимоячи Бенедикт Хеведес 32 ёшга кирганда фаолиятини якунлади.

"Сўнгги 2 йил мобайнида "Локомотив" таркибида 50дан ошиқ учрашувда қатнашдим. Совринлар қўлга киритдик. Тажрибам барча жойда қўл келди.
Яқиндагина оилам билан Франция жанубига сафар уюштирдик ва шунда оилам билан бирга бўлишим кераклигини тушундим. Футбол менинг ақлимни айирди. Ҳозирда ўғлим 2 ёшда, Москвадалигим учун уни кам кўраман. Оиламни жуда соғинган эканман.
Жуда оғир қадам. Футболни севаман. Аммо бугунги кун қачондир бўлиши керак", - деди Хеведес.

Бенедикт ўз вақтида Германия термаси билан 2014 йилги мундиал ғолибига айланди, Европа чемпионатида икки марта бронза медалларини ҳам қўлга киритган.

Бенедикт Хёведес