Олдинроқ франциялик футболчи 17 кун давомида "Ал Иттиҳод" ихтиёрида бўлмагани клубдагиларни жумбушга келтиргани борасида маълумотлар тарқаган ва шу сабабли уни йиғинлардан четлатганди. Карим Бенземанинг яқинлари эса форвард Маврикийдаги тўфонлар сабабли Саудияга бора олмаётганини маълум қилишганди.

Футболчи раҳбариятдан "Ал Иттиҳод"дан вақтинча кетишни ва Саудиянинг бошқа клубига ижарага берилишини илтимос қилган.

Бензема "Ал Иттиҳод"да босим остида ўзининг энг яхши қирраларини кўрсата олмаётганини сабаб қилиб кўрсатган.

Форвард ушбу мавсум Саудия Арабистони чемпионатида 15 ўйинда қатнашиб, 9 гол ва 5 ассист қайд этди.

Бензема "Ал Иттиҳод"дан кетишни илтимос қилди