"Мени назаримда, муаммо шундаки, Мбаппе марказимй ҳужумчи эмас. Ҳар сафар у Франция термаси таркибида "тўққизлик" нуқтасида ўйнаганида бор имкониятини ишга сола олмайди, бу унинг позицияси эмас. Чап қанотда эса даражаси уникидан қолишмайдиган яна бир ижрочи борлиги вазиятни янада қийинлаштирмоқда.
Винини ўнгга ёки марказий ҳужумга қўйиб бўлмайди. Унинг учун энг фойдали нуқта бу чап қанот. Кўрамиз, Анчелотти вазиятдан қандай чиқаркин.
Унга [Мбаппе] таслим бўлмасликни маслаҳат берган бўлардим. "Реал"да босим юқори, бу сизга ПСЖ эмас. Мбаппе ўзи учун "тўққизлик"ка айланиши кераклигини тушуниши, уқтириши керак ва чап қанотни эсдан чиқариши зарур. Ҳа, у қанотда анча самарали ҳаракат қилган, лекин энди бошқа нуқталарда ҳам ўзини синаб кўриши ва ишончли ўйин кўрсатиши талаб қилинади".

Бензема Мбаппега "Реал"даги ҳолати бўйича маслаҳат берди