"Ал Иттиҳод" клуби бош мураббийи Нуну Эшпириту Санту ва жамоа футболчиси Карим Бензема ўртасидаги муносабатлар ёмонлашаётган бўлиши мумкин. Asharq Al-Awsat нашрининг ёзишича, Нуну Санту "Иттиҳод" раҳбариятига Бензема унинг ўйин услубига тушмаслигини маълум қилган. Мураббий бошиданоқ Бензема билан шартнома имзолашни клубдан сўрамаган.

Бундан ташқари, Бензема клубга келганида сардорлик боғичини олишни режалаштирган, аммо бу амалга ошмади.

Барча жиҳатларни умумийлаштирганда, мураббий ва Бензема ўртасидаги муносабатлар чигаллашиб бораётган бўлиши мумкин. Франциялик футболчи клубда ўзини ноқулай ҳис қилмоқда. Каримнинг фикрича, бош мураббий нопрофессионал иш тутмоқда.

Бензема ва "Ал Иттиҳод" бош мураббийи ўртасидаги муносабатлар ёмонлашаётган бўлиши мумкин