Баҳс 1:2 ҳисобида меҳмонлар - россияликларнинг ғалабаси билан якунланди, аммо икки учрашув натижасига кўра "Атлетик" кейинги босқичга чиқди.

Баҳс якунланганидан сўнг тартибсизликлар бошланди. Россиялик ишқибозлар маҳаллий мухлислар ва полиция билан жанг қилди. Ушбу воқеа натижасида қуйидагилар содир бўлди:

- Массимо Карреранинг таржимони Артём Фетисовни кутилмаганда камар билан бўйнига уришди

- Полиция маълумотларига кўра, маҳаллий мухлислар билан муштлашувда "Спартак"нинг 800 нафар ишқибози қатнашган. Иккала томон ҳам шиша идишлар, файерлардан фойдаланишган.

- "Спартак"нинг камида уч мухлиси касалхонага олиб кетилган

- Беш киши ҳибсга олинди, уларнинг уч нафари "Спартак" ишқибози

Россия ташқи ишлар вазирлиги "Спартак" мухлисларидан "Атлетик"ка қарши баҳс олдидан эҳтиёткорликка чақирган эди, аммо бу фойда бермади.

Ҳаммаси "Спартак"нинг алоҳида мухлислар гуруҳлари "Атлетик" ишқибозларини қидиришидан бошланди:

Кейин қизил-оқлар Бильбао бўйлаб марш уюштиришди:

Натижада тўқнашув бошланди ва полиция аралашишига тўғри келди.

AS берган маълумотларга кўра, мухлислар тўқнашуви оқибатида полициячи вафот этган - унинг юраги ҳуруж қилиб қолган. Муштлашувлардан сўнг Бильбао шифохоналаридан бирига 5 киши олиб кетилди, уларнинг 3 нафари россиялик. Иккала томон мухлислари тўқнашув пайтида шиша идишлар ва файерлардан фойдаланишди. Беш киши ҳибсга олинган, 3 киши "Спартак" мухлиси.

"Спартак" бош мураббийи Массимо Карреранинг таржимони Артём Фетисов жума куни тонгда "Инстаграм"га сурат жойлади. Номаълум шахс унга камар билан зарба берган.

Бильбаодагилар "Спартак" мухлисларининг таширифидан хурсанд бўлишмаган эди. Кеча мактабларда қўшимча дарслар бекор қилингани, бар ва ресторан эгаларига кўчадан стол ва стулларни олиб қўйиш маслаҳат берилгани эълон қилинганди.

Бильбаода катта жанг бўлди. Россиялик мухлислар билан муштлашув пайтида полициячи вафот этди