- Билолхон, бугунги ўйин ҳақида нималарни айта оласиз?

- Очиғи сўнги дақиқаларда гол ўтказиб юбормаганимизда бугун 3 очко эгасига айланардик. Ҳаммаси яхши кетаётганди, охирги 10 дақиқаликда бизга консентрация етишмади. Бугун ғалаба учун жуда яқин эдик, рақибимизнинг 90-дақиқада киритган голи бизни ғалабадан маҳрум қилди.

- Ўтган мавсумда Тошкентнинг "Оқ-тепа" клубида мунтазам асосий таркибда майдонга тушардингиз. "Турон" сафида заҳирада қолиб кетяпсиз. Бунга нима сабаб деб ўйлайсиз?

- Жорий йилги мавсумда "Турон" сафида асосий таркибда ҳам майдонга тушдим. Баъзи ўйинларда заҳирадан тушаяпман. Исломбек Исмоилов бизни ўйинларга яхши тайёрламоқда деб ўйлайман.

- "Оқ-тепа" ва "Турон" жамоалари ўртасида қандай фарқ бор?

- "Оқ-тепа" клуби Суперлигага футболчи етказиб беришда етакчи жамоалардан ҳисобланади. Жамоа бошлиғи Алишер Шоғуломов "Барселона" услубидаги футболни ёқтиради. "Турон"нинг вазифаси ва мақсади Суперлигага қаратилган. Ҳар бир мураббийнинг ўз услуби бор. Лозим топишган пайти мени майдонга туширишмоқда.

Бекзод Толибов ёзиб олди

Билолхон Тошмирзаев: "Алишер Шоғуломов "Барселона" услубида ўйнашни ёқтиради"