"Интер" — "Верона"

Ҳужумда Тюрам билан бирга ҳаракат қиладиган Лаутаронинг сафга қайтиши ажойиб хабар бўлди. Чалханоглу ҳам кичик шамоллашдан сўнг тузалди, Димарко эса тикланган бўлса ҳам асосий таркибда тушиш эҳтимоли кам, аммо ўйин пайти ёрдам керак бўлса ҳаракат қилиши мумкин. Давидович жароҳатидан тузалди, Дуда эса дисквалификацияни ўтаб бўлди, шундай экан Сердар, Фараони ва Фрустич ҳали ҳам тикланаётган бўлса-да, Марко Баронида кўпроқ ранг-баранглик бор. Ҳужумда яна Журичга умид боғланмоқда.

"Интер" ўтган сафар "Верона"га меҳмонда жавобсиз 6та тўп киритган эди. "Нерадзурри"нинг ҳозир ҳам шунга ҳаракат қилиш эҳтимоли кам, аммо "Женоа" билан ўтган турдаги дурангдан сўнг муносабат жиддий ва мотивацияга етарли даражада. "Верона" ўйинидаги яхшиланишга қарамай ҳужум етакчиларини сақлаб қолиш имконияти кам.

"Лечче" — "Кальяри"

Роберто Д'Аверсанинг таркиб билан катта муаммолари бор, Бурнет, Дермаку, Самуя ва Сансоне ҳали ҳам жароҳатда, Рафия, Туба ва Банда Африка миллатлар лигасида иштирок этиш учун терма жамоа ихтиёрига йўл олишмоқда. Раньерида ҳам таркиб билан муаммолар бор, бир қатор ўйинчилар касал, Лувомбо эса Африка миллатлар кубогига кетади. Нандес ва Шомуродов ўйнаши мумкин, аммо тўлиқмас, шунда ҳам қарор ўйин куни қабул қилинади.

Улар ўртасидаги ўтган ўйин анча зерикарли бўлганди, мухлислар голларга гувоҳ бўлишмаган. Ҳозир ўйин анча қизиқроқ бўлади деб ўйлайман. Икки жамоанинг ҳам таркиб билан муаммолари етарлича, аммо шу сабаб улар бир-бирларига совғалар қилишади. Голлар эса ўйинда бўлиши керак.

"Эмполи" — "Милан"

Андреаццоли катта эҳтимол билан Капутога ишонч билдириши мумкин, шу сабаб айнан у ҳужумда бўлади, Гуарино ва Песелья эса жамоага ёрдам бера олмайди, шунингдек Берешиньскининг ўйиндаги иштироки сўроқ остида, шундай экан Андреаццоли ҳимояда нимадир ўйлаб топишига тўғри келди. Зудлик билан ижарадан марказий ҳимоячи Габбиа чақиртириб олинди, у Кьер билан биргаликда дарҳол асосий таркибда чиқиши керак. Эҳтимол жамоага Пеллегрино ва Муса ёрдам бера олар, бошқа жароҳатланган ўйинчиларнинг тикланиши эса чўзилмоқда. Ҳужумда эса доимий трио — Пулишич-Жиру-Леао.

Уларнинг олдинги ўйини жуда зерикарли ўтган ва мухлислар гол кўришмаганди. Ҳозир эса ўз-ўзидан "Милан" фаворит ҳисобланади. "Россонери" қийин ҳолатига қарамасдан сўнгги вақтларда сифатли ўйин кўрсатмоқда ва улар муваффақиятга эришади деб ўйлайман. Бундан ташқари, "Эмполи" сўнгги вақтларда жуда кучсиз кўринмоқда.

"Торино" — "Наполи"

Влашич ўйинга қадар тикланиши керак, Схюрс ва Нгессеннинг эса жамоага ёрдам бера олмаслиги аниқ, шунингдек Тамезенинг ўйиндаги иштироки ҳам сўроқ остида. Юрич ҳужумда Санабрия ва Сапата дуэтидан фойдаланиши мумкин. Маццариа эса Осимхен ва Ангуссининг Африка миллатлар кубогиги кетиши сабаб таркибида жиддий муаммолари бор. Ҳали ҳам Оливейра, Мерет ва Натан жароҳатди, аммо Политано тикланди ва асосий таркибда майдонга тушади. У Хвича билан биргаликда ҳужумда Симеоне билан рақобатда ютаётган Распадорига ёрдам беради.

"Наполи" ўтган сафар "Торино"ни 4:0 ҳисобида таслим этганди. Ҳозир ҳам амалдаги чемпионлар фаворит, аммо унчалик эмас. Жамоанинг ўйиндаги ва таркибдаги муаммолари хавотирли. "Торино" эса ақллироқ ҳимояланишга ҳаракат қилмоқда ва бу "буқалар"да муваффақияли кечиш эҳтимоли йўқ эмас.

"Рома" — "Аталанта"

Ниҳоят Смоллинг қайдномада кўриниш бериши мумкин, аммо асосий таркибда тушиши қийин масала. Ауар ва Ндика Африка миллатлар кубогига йўл олди, шундай экан "Рома" 4 ҳимоячи схемасига қайтиши мумкин, аммо Дибала-Лукаку жуфтлигидан бошқа вариант бўлмайди. Ҳали ҳам Паломино ва Толои тикланмоқда, шундай экан, Колашинац яна марказда ўйнаши мумкин. Лукманнинг Африка миллатлар кубогига кетиши олдинда рақиб дарвозаси томон суриладиган Компейнарснинг қўллови билан Де Каттеларе-Скамакка жуфтлиги ҳосил бўлишига имкон яратади.

"Аталанта" ўтган сафар 3-1 ҳисобида ғалаба қозонган. Ҳозир эса "Рома" фаворит сифатида кўрилмоқда. "Жалоросси" анча қўшди ва стартдагидан яхшироқ кўринмоқда, айниқса Дибала-Лукаку жуфтлиги ишлаганда, айнан уларга асосий эътибор қаратилади, аммо "Аталанта"да ҳам бунга жавоб берадиган нарсалар бор, шундай экан ўйин анча ёрқин бўлиши мумкин.

Сергей Румянцев тайёрлади

Биринчи давра якуни: А Серия 19-тури учун превью