Одатга кўра, якунига етган турнинг эътиборга молик жиҳатларига тўхталиб ўтамиз.

ЎЙИНЛАР
* 4-турда жами 8та ўйин бўлиб ўтди.
* Мезбон жамоалардан 4та ғалаба қозонди.
* 3та ўйинда томонлар дурангга имзо чекди.
* Биргина “Норин” жамоаси сафарда ғалаба қозонди.
* Турнинг сенсацион натижаси деб ҳам Жиззахда кечган “Зомин” – “Норин” (0:1) учрашувини кўрсатиш мумкин. Боиси мазкур беллашувда мезбонлар фаворит эди. Бироқ Равшан Бозоров бошқарувидаги “Норин” жамоаси ўйин сўнггида тўп киритиб, ғалабани илиб кетди.
* Турнинг марказий ўйини дея эътироф этилган “Динамо” – “УзДонгЖу” (1:0) баҳсида мезбонлар пенальтидан тўп киритиб, ғалабани расмийлаштирди.
* Урганчликлар эса Муборакда 1:0 ҳисобида ғалаба қозона туриб, якунда дуранг қайд этди.
* “Цементчи” эса мухлисларини ажаблантирди. Косонсойга ташриф буюрган Абдумалик Ҳакимов шогирдлари якунда нурсиз дурангга имзо чекди.
* Энг йирик ҳисобда ғалаба қозонган жамоа “Локомотив-БФК” бўлди. “Ғиждувон” эса аксинча.

«Косонсой» (Косонсой) – «Цементчи» (Қувасой) – 0:0. 2211 томошабин.
«Хотира-79» (Уйчи) – «Ёзёвон-Лочинлари» (Ёзёвон) – 2:1. 2857 томошабин.
«Зомин» (Зомин) – «Норин» (Ҳаққулобод) – 0:1. 311 томошабин.
«Динамо» (Самарқанд) – «УзДонгЖу» (Андижон) – 1:0. 1532 томошабин.
«Машъал-2» (Муборак) – «Хоразм» (Урганч) – 1:1. 152 томошабин.
«Насаф-2» (Қарши) – «Орол» (Нукус) – 1:0. 44 томошабин.
«Локомотив-БФК» (Тошкент) – «Ғиждувон» (Ғиждувон) – 8:1. 34 томошабин.
«Оқ-тепа» (Тошкент) – «Нурафшон» (Бухоро) – 2:2. 93 томошабин.

ГОЛЛАР
* 4-турнинг 8та ўйинида жами 21та гол қайд этилди.
* Ҳар бир учрашувга ўртача 2,65тадан гол демакдир.
* Мезбон жамоалар ҳисобига 15та гол ёзилди.
* Қолган 6та тўпни эса меҳмонлар киритган.
* Ўйинларнинг биринчи таймида 5та гол содир бўлди.
* Иккинчи бўлимда эса яна 16та тўп киритилган. Бундан чиқдики, иккинчи таймда сермаҳсуллик ортган.
* Турнинг энг тезкор голи 8-дақиқада киритилган. “Локомотив-БФК” сардори Шерзод Шарипов пенальтидан “Ғиждувон” дарвозасини ишғол этган.
* Турнинг энг сўнгги голи эса 90+2-дақиқада яна “Локомотив-БФК” – “Ғиждувон” ўйинида содир бўлган. Мезбонлар ўйинчиси Исломбек Ярашев учрашувда сўнгги тўпни киритиб, ҳисобни янада йириклаштирган.
* 5та пенальти содир бўлди.

Фарҳод Шокиров (“Хотира-79”) – ноаниқ.
Омад Тойлоқов – (“Динамо”) – аниқ.
Шерзод Шарипов – (“Локомотив-БФК”) – аниқ.
Суннат Саидов – (“Локомотив-БФК”) – аниқ.
Берумий Абдунабиев – (“Оқ-тепа”) – аниқ.

* 1та дубль! “Нурафшон” ҳужумчиси Феруз Бобоқулов Тошкентда “Оқ-тепа” билан ўйинда иккита тўп киритди. Якунда унинг жамоаси дуранг қайд этган.
* 1та хет-трик! “Локомотив-БФК” етакчиси Суннат Саидов жамоасининг “Ғиждувон”га қарши ўтказган баҳсида рақиб дарвозасига 3та тўп киритди.
* Ушбу турда энг кўп тўп киритган жамоа “Локомотив-БФК” бўлди. 8та гол!
* “Ғиждувон” эса аксинча, ўз дарвозасидан энг кўп тўп ўтказиб юборган жамоага айланди.
* “Косонсой”, “Цементчи”, “Динамо”, “Норин”, “Насаф-2” жамоалари ушбу турда ўз дарвозаси даҳлсизлигини сақлаб қолишга эришган.

ОГОҲЛАНТИРИШ ВА ЧЕТЛАТИШ
* 8та ўйинда жами 39та сариқ карточка қайд этилган!
* Ҳар бир учрашувга ўртача 5тадан огоҳлантириш демакдир.
* Мезбон жамоалардан 15 нафар футболчи сариқ карточка билан огоҳлантирилган бўлса, қолган 24та сариқ карточка меҳмон жамоа ўйинчиларига кўрсатилган.
* Бундан кўриниб турибдики, меҳмон жамоалари ушбу турда нисбатан кўп қоида бузган.
* Бўлимлар бўйича оладиган бўлсак, биринчи таймда 8та футболчи огоҳлантирилганини кўриш мумкин.
* Иккинчи бўлимда эса яна 31та футболчи сариқ карточка билан жазоланган. Хулоса қилиш мумкинки, учрашувларнинг иккинчи бўлимида қоида бузилишлар жуда кўп бўлган.
* Эътиборлиси “Локомотив-БФК”нинг бирорта футболчиси сариқ ёки қизил карточка олмаган. Интизом борасида “темирйўлчилар” бошқаларга намуна бўлди.
* “УзДонгЖу” эса аксинча. 5та сариқ ва 1та қизил карточка олиб, бу борада бошқаларни ортда қолдирди.
* Турнинг энг кўп қўполликларга бой тарзда кечган учрашуви “Динамо” – “УзДонгЖу” баҳси бўлди. 8та огоҳлантириш ва 1та четлатиш.
* 1та қизил карточка! “УзДонгЖу” ҳимоячиси Абдурасул Комилов жамоасининг сафарда ўтказган учрашувида кетма-кет сариқ карточка олиб, майдонни шерикларидан олдинроқ тарк этишга мажбур бўлди. Энди у камида кейинги учрашувни ўтказиб юборади.

ҲАКАМЛАР ҚАНДАЙ ИШЛАДИ?
* “Машъал” – “Хоразм” учрашувини бошқариб борган ҳакам Даулетбой Жалимов ушбу турда энг юқори балл олган ҳакам бўлди. Учрашув назоратчи ҳаками Валентин Шашков нукуслик ҳакамнинг ҳатти-харакатларини 8,3 баллга муносиб кўрди.
* Аксинча ушбу турда энг паст олган ҳакам Игорь Худайдатов бўлди. Тошкентда “Оқ-тепа” – “Нурашон” баҳсини бошқариб борган ҳакамнинг ишини назоратчи Константин Смирнов 7,7 баллга баҳолади.
* Шунингдек тошкентлик Аҳрол Рисқуллаевнинг кетма-кет иккинчи ўйинда ҳам 7,8 балл олганини айтиш лозим.

«Косонсой» – «Цементчи» – 0:0.
Ҳакамлар: Д. Пислегин (Тошкент) – 8,2, З. Эркинов (Тошкент) – 7,9, Х. Набиев (Тошкент) – 7,5, А. Жабборов - 9
Назоратчи: А. Тамбовцев (Тошкент).

«Хотира-79» – «Ёзёвон-Лочинлари» – 2:1.
Ҳакамлар: Д. Каримов (Тошкент) – 8,0, С. Ульфатов (Тошкент вил.) – 8,4, О. Умаров (Тошкент вил.) – 7,8, И. Носиров - 7
Назоратчи: В. Нажафалиев (Тошкент).

«Зомин» – «Норин» – 0:1.
Ҳакамлар: Ф. Норсафаров (Қарши) – 8,2, М. Каримов (Тошкент) – 8,0, С. Нишонбоев (Тошкент) – 8,0, М. Файзуллаев - 8
Назоратчи: А. Арутюнов (Тошкент).

«Динамо» – «УзДонгЖу» – 1:0.
Ҳакамлар: А. Рисқуллаев (Тошкент) – 7,8, Д. Жуманиёзов (Урганч) – 8,0, Д. Искандаров (Нукус) –Ш. Қамаров - 8 8,0,
Назоратчи: Г. Имомов (Тошкент).

«Машъал-2» – «Хоразм» – 1:1.
Ҳакамлар: Д. Жалимов (Нукус) – 8,3, Т. Суюнов (Гулистон) – 8,0, Д. Убайдуллаев (Гулистон) – 8,0, Р. Абдувоҳидов - 8
Назоратчи: В. Шашков (Тошкент).

«Насаф-2» – «Орол» – 1:0.
Ҳакамлар: А. Шукуруллаев (Тошкент) – 8,1, С. Еремеев (Тошкент) – 7,5, Х. Ўролов (Тошкент вил.) – 8,4, К. Расулов - 9
Назоратчи: Р. Қоратоев (Тошкент вил.).

«Локомотив-БФК» – «Ғиждувон» – 8:1.
Ҳакамлар: Р. Лутфулин (Тошкент) – 8,2, Ш. Қаюмов (Жиззах) – 8,0, Ш. Юлдашев (Гулистон) – 8,1, С. Еремеев – 9
Назоратчи: Ш. Бозоров (Наманган).

«Оқ-тепа» – «Нурафшон» – 2:2.
Ҳакамлар: И. Худайдатов (Тошкент) – 7,7, Р. Толибжонов (Фарғона) – 8,1, А. Жўрахонов (Андижон) – 8,3, Ж. Акмалов - 8
Назоратчи: К. Смирнов (Қарши).

МУХЛИСЛАР
* 4-турнинг 8та ўйинига жами 7234та томошабин ташриф буюрган.
* Ҳар бир учрашувга ўртача 904 нафардан мухлис демакдир.
* Энг кўп мухлис Уйчи туманида кечган “Хотира-79” – “Ёзёвон-Лочинлари” баҳсида кузатилди. 2857та томошабин!
* Аксинча энг кам томошабин яна Тошкентдаги баҳсда қайд этилди. “Локомотив-БФК” – “Ғиждувон” ўйинини кўриш учун атига 34та томошабин кирган.
Томошабинлар ташрифи кимда қандай?
«Косонсой» (Косонсой) – «Цементчи» (Қувасой) – 0:0. 2211 томошабин.
«Хотира-79» (Уйчи) – «Ёзёвон-Лочинлари» (Ёзёвон) – 2:1. 2857 томошабин.
«Зомин» (Зомин) – «Норин» (Ҳаққулобод) – 0:1. 311 томошабин.
«Динамо» (Самарқанд) – «УзДонгЖу» (Андижон) – 1:0. 1532 томошабин.
«Машъал-2» (Муборак) – «Хоразм» (Урганч) – 1:1. 152 томошабин.
«Насаф-2» (Қарши) – «Орол» (Нукус) – 1:0. 44 томошабин.
«Локомотив-БФК» (Тошкент) – «Ғиждувон» (Ғиждувон) – 8:1. 34 томошабин.
«Оқ-тепа» (Тошкент) – «Нурафшон» (Бухоро) – 2:2. 93 томошабин.

ТУРНИР ЖАДВАЛИ

ОСТОНАМИЗДАГИ УЧРАШУВЛАР
5-тур. 25 апрель (душанба)
16:00. “Ёзёвон-Лочинлари” – “Локомотив-БФК”
16:00. “Норин” – “Хотира-79”
16:30. “Цементчи” – “Оқ-тепа”
16:30. “УзДонгЖу” – “Косонсой”
26 апрель (сешанба)
17:00. “Орол” – “Зомин”
17:00. “Хоразм” – “Динамо”
16:00. “Нурафшон” – “Ғиждувон”
27 апрель (чоршанба)
16:30. “НБУ-Осиё” – “Машъал-2”
16:00. “Пахтакор-2” – “Насаф-2”

Исломбек Рустамбеков тайёрлади.

Биринчи лига. 4-тур статистикаси