Чемпионат тақвимига кўра, “Андижон” 1-турда сафарда “Ғаллакор”га қарши ўтказди. Ўйиндан бир кун аввал кучли ёмғир ёғиб ўтгани майдоннинг сифатига салбий таъсирини ўтказмасдан қолмади. Ғаллаорол туманидаги “Марказий” стадионда кечган ўйиннинг бошланиши андижонликлар учун бироз омадсиз кечди. Аниқроғи 3-дақиқада мезбонлар аъзоси Нурбек Сафаров аниқ зарбаси билан учрашувда ҳисобни очишга эришди – 1:0. Шундан сўнг вакилларимиз асосий эътиборларини энг аввало ҳисобни тенглаштириш ва сўнгра ғалаба қозонишга қаратди. Бироқ мезбонлар ҳам шу куни етарлича қаршилик кўрсата олди. Ўйиннинг 87-дақиқасига келиб ҳисоб тенглаштирилди. Иқтидорли ҳужумкор ярим ҳимоячи Шаҳбоз Жумабоев “Ғаллакор” посбонини ўз дарвозасидан тўп олиб чиқишга мажбур қила олди.

Баҳснинг қолган дақиқаларида бошқа гол кузатилмади. Шу тариқа “Андижон” чемпионатни дуранг билан бошлади. Энди Виталий Легай шогирдлари 4 апрель, сешанба куни сафарда “Зомин” билан тўқнаш келади. Бўлажак баҳсда жамоамизга омад тилаб қоламиз.

01.04.2017 йил

Биринчи лига. 1-тур.

“Ғаллакор-Барса” – “Андижон” 1:1 (1:0).

Ғаллаорол. “Марказий” стадиони. 4325 томошабин.

Ҳакамлар: Найим Қосимов (Қарши) – 7,8. Хусан Худойбердиев (Тўйтепа) – 8,1. Иброҳим Жўраев (Чирчиқ) – 8,4. Муроджон Шербўтаев (Ғаллаорол) – 7.

Назоратчи: Элбек Мусаев (Самарқанд).

Голлар: Нурбек Сафаров, 3. Шаҳбоз Жумабоев, 87.

“Ғаллакор-Барса”: 12. Бобур Раҳимов, 5. Элдор Норбоев, 8. Седиёр Ҳамроқулов, 9. Нурбек Сафаров, 10. Аслиддин Мелибоев (94. Холмўмин Давронов, 46), 11. Мақсуд Нормаҳматов (6. Марат Ҳошимов, 69), 13. Жасур Ҳасанов, 22. Жасур Акмалов, 31. Акмал Холматов, 33. Ислом Мелибоев, 77. Хайрулло Жакбаров (7. Ислом Бийтўраев, 79).

Захира: 45. Қобил Норқўзиев, 16. Жавлон Ибодуллаев, 17. Жаҳонгир Мелибоев, 19. Ўрол Ўринов.

“Андижон”: 1. Абдукарим Мухамедов, 7. Шаҳбоз Жумабоев, 8. Фарҳод Бекмуратов, 10. Анвар Бердиев (17. Жаҳонгир Мақсудов,76), 14. Акбар Ходжаев, 15. Абдурасул Комилов, 21. Муҳаммадюсуф Абдумажидов, 22. Мақсуд Маҳмудов (11. Фаррух Шотурсунов, 64), 23. Санжар Асқаралиев (77. Шаҳзод Каримов, 44), 26. Қаҳрамон Маҳамаджонов, 70. Ойбек Нурматов.

Захира: Лочин Долимов, 18. Абдулазиз Ёқубов, 27. Кемран Нажафалиев, 29. Бахтиёр Қосимов.

Огоҳлантиришлар: Санжар Асқаралиев, 28. Жасур Акмалов, 56. Фарҳод Бекмуратов, 68. Акбар Ходжаев, 80.

“Андижон” матбуот хизмати.

Биринчи лига. “Андижон” чемпионатни дуранг билан бошлади