Йиғин доирасида бир қатор ўртоқлик учрашувлари ташкил этилди. Жамоа бу йилги мавсумда тайёргарликни жорий йилнинг февраль ойидан буён узлуксиз равишда олиб бораётган эди. Жамоамиз Тошкентда икки бор йиғин ўтказиб, шундан биринчиси асосан жамоага тажрибали ўйинчиларни саралаш мақсадида ташкил этилган бўлса, иккинчи йиғин “Zomin-Agrofresh” МЧЖ ҳомийлигида ташкил қилиниб, асосан жамоани мавсумга тайёрлаш ва бир қатор клублар билан ўртоқлик ўйинларини ўтказиш мақсад қилинган эди.

Жамоа ўртоқлик ўйинларида “Бунёдкор-2” (3:1), “Хоразм”(2:0), “НБУ-Осиё” (2:1) ва “Локомотив-БФК” (4:2) клублари билан ўртоқлик учрашуви ўтказиб барча баҳсларда ғалаба қозонди. Энди клубимиз 24 март куни Ўзбекистон Кубоги доирасидаги учрашувни Зомин марказий ўйингоҳида Самарқанднинг “Динамо” жамоасига қарши ўтказади.

Жамоанинг ҳозирга кунгача умумий таркиби билан танишинг:

Дарвозабон: Садиев Отабек

Ҳимоячилар: Набиев Убайдулло, Мусурмонов Шоҳруҳ, Икромов Дилмурод, Садирдинов Шухрат, Каримов Элдор, Саидов Жалолиддин, Муртозоев Бакир.

Ярим ҳамоячилар: Ураков Бобур, Келдибеков Султонбек, Боев Константин, Атабеков Жўшқин, Турсунов Бегзод, Камолов Дурбек.

Ҳужумчилар: Тошматов Достон, Файзуллаев Лутфулло, Абдукаҳҳоров Лазизбек, Абдуллаев Соҳиб.

“Зомин” матбуот хизмати Акмал Рахматуллаев.

Биринчи лига. “Зомин” жамоасининг Тошкентдаги йиғини ниҳоясига етди.