“Кўпчилик дебют голимни қачон уришим борасидаги саволларни бераётганди. Энди менинг уларга жавобим бор. Биз ўз иродамизни кўрсата олдик, айниқса сўнгги 10 дақиқада ҳимояда мардонавор ўйнадик. Йил бундан ҳам яхшироқ бошланиши мумкин эмасди. Мухлислар бизга ишонмоқда, биз эса бунга яхши ўйинимиз билан жавоб қайтаришимиз керак”, деб айтиб ўтди жамоа сардори.

“Милан” мавсум аввалида асосан ўртамиёна футболчилар билан шартномалар тузди. Улар орасида “Ювентус”дан харид қилинган Бонуччинигина алоҳида ажратиб кўрсатиш мумкин эди. Мавсум аввалидаги кўнгилсиз натижалар балки ортда қолган бўлиши ҳам мумкин. “Милан”да ҳозир ҳаммасини бошидан бошлаш учун имконият бор.

“Биз 70 дақиқа яхши футбол кўрсатдик. Кейин эса керагидан кўп хатоларга йўл қўя бошладик. Ўйин якунланиб боргани сайин, хавф кўпайиб кетаверди. Шунга қарамай, футболчилар қилаётган меҳнатдан қониқмоқдаман. Биринчи иш кунимданоқ улар айтганларимга амал қилиб келади. Бизда сифатли жамоа бор, фақатгина жиддий меҳнат қилишда давом этишимиз керак”, — деб Гаттузонинг сўзларидан иқтибос келтирган Football Italia нашри.

Қайд этиш керак, эски йилнинг сўнгги ҳафтасида “Милан” ҳамшаҳри “Интер”ни таслим қилиб, Италия Кубогининг ярим финалига йўл олганди. 31 январь куни миланликлар финал йўлида Римнинг “Лацио” клубига қарши майдонга тушади. А сериядаги навбатдаги турни эса миланликлар 21 январь куни “Кальяри” майдонида ўтказади.

Бонуччи, Гаттузо ва “Милан” учун йил омадли бошланди. Жамоа сардори ва бош мураббий ғалабадан шод