"Реал"га қарши Чемпионлар лигаси финал учрашувининг танаффусида Дани Алвес Пауло Дибаладан ғазабланган ва уни жон бериб ўйнамаётганликда, ҳамда сариқ карточкадан сўнг депрессияга тушиб қолганликда айблайди.

Ўша пайт, кийиниш хонасига "Ювентус" устози Массимилиано Аллегри кириб келади ва Дибалани ҳимоя қилиб, Алвесга ўзини босиб олиши кераклигини айтади.

Леонардо Бонуччи ҳам Алвеснинг фикрига қўшилиб, Паулога айтилган сўзларни такрорлайди.

Аммо Дибала тиржайиб, унга ўзини гапларга эътибор бермаётгандек кўрсатади. Бонуччи бундан ғазабланиб, Дибаланинг томоғидан олади ва уни бурчак итариб юборади.

Жанжалга Андреа Барзальи аралашади ва Алвес ҳамда Бонуччига тинчланиши кераклигини айтади. Ғазаб отидаги Бонуччи Барзальини ҳам тинч қўймайди ва у ўз вазифасини уддалай олмаётгани ва биринчи бўлимда Марселони бир неча маротаба ўтказиб юборганликда айблайди. Барзальи ҳам жим турмади ва биринчи гол Бонуччининг хатоси эканлигини юзига солади. Аллегри уларни тўхтатиб қолмаганда, муштлашув келиб чиқиши аниқ эди.

Бонуччи ушбу ишлардан сўнг шундай дейди: "Бу жамоа билан бошқа ўйнамайман. Буйоғига менсиз". "Ювентус" иккинчи бўлимда ҳеч нарса қила олмайди ва "Реал" рақиб дарвозасини бир неча маротаба ишғол қилиб, турнир ғолибига айланади.

Бонуччи "Ювентус" сирларини оча бошлади