Қуръа ташлаш маросимидан сўнг жамоа бош мураббийи Александр Ежов фикрларини билдириб ўтди.

"Қуръа ташлаш маросими одатдагидан фарқ қилди. Мавсумга тайёргарлик давом этмоқда. Русларда шундай мақол бор: "Бўридан қўрққан ўрмонга бормайди". Имконият даражасида яхши ўринлар учун курашишга ҳаракат қиламиз. Ҳеч ким пастки ўринларни эгаллашни истамайди.

Мавсум давомида футболчиларим ўзининг ижобий томонларини кўрсатишига ишонаман. Учрашувларни жонли эфирда трансляция қилиниши эса уларга қўшимча мотивация беради. Кўрдингиз, Про лиганинг ўтган мавсуми жуда ҳам шиддатли кечди. Айниқса, сўнгги "Нефтчи"-"Турон" учрашуви ҳақиқий финалга мос тарзда ўтди. Интрига юқори бўлди. Суперлига йўлланмаси ва Про лигада қолиш учун кураш қизғин кечди. Бу йил ҳам ўтган йилгидан кам бўлмаган ҳолда ўйинлар қизиқарли ўтади",- дейди Ежов.

"Бўридан қўрққан ўрмонга бормайди"."Хоразм" бош мураббийининг қуръадан кейинги фикрлари