42 ёшли мураббийнинг шартномаси ўзаро келишувга кўра бекор қилинди.

Хаунинг жамоа мухлисларига очиқ хати эълон қилинди.

“Мен футболчи ва мураббий сифатида 25 йил жамоа билан бирга бўлдим. Клуб билан келишиб, шартномамни бекор қилиш мен учун ҳаётимдаги энг қийин қарорлардан бири бўлди.

Ҳар қандай вазиятда ҳам клубга бўлган меҳрим сақланиб қолади. Барчамиз ҳозир клуб янги даражага чиқиш учун ҳаракат қилиши кераклигини тушуниб турибмиз. “Борнмут” доим менинг юрагимда, аммо ҳозир вазиятни ўзгартириш учун энг яхши вақт” дея мураббийнинг сўзларидан иқтибос келтирмоқда “Борнмут” клуби матбуот хизмати.

Хау умумий ҳисобда 10 йил давомида (2008-2011, 2012-2020) жамоани бошқарган. 2014/15 йилги мавсумда клуб ўз тарихида илк марта АПЛ йўлланмасига эга чиқди. Жорий мавсум якунига кўра, жамоа турнир жадвалининг 18-поғонасини банд этди ва АПЛни тарк этди.

“Борнмут”да 10 йилдан ортиқ ишлаб, жамоани АПЛга олиб чиққан мураббийи клуб билан хайрлашди