Учрашувнинг 34-дақиқасида "аждарлар" ярим ҳимоячиси Ойбек Бозоров Ҳожиакбар Алижоновга нисбатан ишлатган қўполлиги учун майдондан четлатилди. Шу ўринда кубок финаллари тарихида кўрсатилган қизил карточкалар ҳақида маълумот беришга қарор қилдик.

Бунга қадар ортда қолган 28 ўйинда 7 жамоанинг 13 футболчиси майдондан четлатилган эди. Қизил карточка билан жазоланиш борасида "Бунёдкор" вакилларининг олдига тушадигани йўқ (4).

1. Бахтёр Ашурматов ("Бунёдкор")
2. Рустам Дўрмонов ("Нефтчи")
3. Уче Ихероуме ("Пахтакор")
4. Хайрулло Каримов ("Бунёдкор")
5. Акром Комилов ("Бунёдкор")
6. Фарҳод Магометов ("Навбаҳор")
7. Шуҳрат Раҳмонқулов ("Навбаҳор")
8. Улуғбек Рўзимов ("Пахтакор")
9. Илҳом Суюнов ("Пахтакор")
10. Ислом Тўхтахўжаев ("Локомотив")
11. Азиз Ҳайдаров ("Бунёдкор")
12. Жасур Ҳасанов (АГМК)
13. Рустам Абдиев ("Янгиер")

Хуллас, Ойбек Бозоров кубок финалида майдондан четлатилган 14-футболчига айланди. Айни пайтда у "Насаф"нинг қизил карточка олган дастлабки вакили ҳамдир.

Маълумот учун, 24 ёшли Бозоров бу мавсумда 2-бор майдонда четлатилди. У Суперлиганинг 16-тури доирасидаги "Навбаҳор" билан ўйиннинг 72-дақиқасида қизил карточка билан четлатилган эди.

Факт: Аҳрол Рисқуллаев кубок финалида қизил карточка кўрсатган 9-реферига айланди.

Шунингдек, 1997 йилги финалнинг 12-дақиқасида "Нефтчи" устози Юрий Саркисян ҳам техник зонани тарк этишга мажбур бўлган.

Финал. "Пахтакор" vs "Насаф"— қайси жамоа қимматроқ?

Бозоров финалдан четлатилди. Қизил карточкаларни эслаймиз