Маҳаллий ахлоқ кенгаши суд қарорини тасдиқлади. У жинсий зўравонлик ва ноўрин хатти-ҳаракатларда айбланмоқда.

Ўтган ҳафта унга ёрдам берган ходимлардан бири ахлоқий ишлар бўйича кенгашга мурожаат қилиб, Кабокло 2020 йил апрель ойидан бери ўзини қандай тутгани ҳақида айтиб берган.

Унга кўра, Рожерио ёрдамчисидан у билан бирга бўлишини сўраган ва уни ахлоқсиз сўзлар билан ҳақорат қилган.

Федерация ходимининг таъкидлашича, Кабокло иш жойида мунтазам равишда спиртли ичимликлар истеъмол қилган ва буни сездирмаслик мақсадида шишаларни ҳожатхонага яширишга уринган.

Кун давомида маст ҳолатда юриб, ёрдамчисига итнинг овқатини таклиф қилган ва уни "кичкина ит" деб атаган. Рад жавобини олгач, ўзини тутиб тура олмаган.

Кобокло ёрдамчисидан имижини ўзгартириши сўраган ва бунинг учун унга пул беришни таклиф қилган.

Аёлнинг таъкидлашича, айтиб ўтилганларнинг барчасига ишончли далиллар мавжуд. Шунинг учун Кабокло ишдан бўшатилиши ва унинг иши судга юборилишини сўраган.

Аввалроқ, Бразилия футбол федерацияси президенти мамлакат ҳукуматига Терма жамоа бош мураббийи Титени Америка кубогида иштирок этишдан бош тортаётгани сабабли, уни истеъфога чиқаришга ва ўрнига “Гремио”нинг собиқ устози, Бразилия президенти Жаир Болсонаронинг ашаддий тарафдори Ренато Гаучони тайинлашга ваъда бергани маълум бўлди.

Бразилия футбол федерацияси раҳбари ахлоқсиз ишлари туфайли четлаштирилди