Аммо, нима учундир келишув амалга ошмай ярим йўлда қолиб кетганди. Балки, лиссабонликлар жуда катта сумма талаб қилишгани ҳалал бергандир ўшанда. Ҳозир эса келишув 50-60 млн фунт атрофида бўлиши тахмин қилинмоқда.

Бруну Фернандеш "Бенфика"га қарши ўйиндан сўнг МЮга ўтади

Англиянинг машҳур "Daily Mail" нашри португалияликнинг охирги 2 мавсумдаги статистикаси ҳақида ёзиб чиқди. Қуйида ана шу материалдан айрим жойларини эътиборингизга ҳавола этамиз.

Бруну Фернандеш ўтган мавсум бошидан бери Де Брюйне, Погба ва Коутиньодан кўра кўпроқ гол урган ва кўпроқ голли пас берган. У "Манчестер Юнайтед" ярим ҳимоясига "янги қон" бўлиб кириши мумкиндек.

Бруну қишки трансфер ойнасида "Қизил иблислар" сафига ўтишга жуда яқин турибди. 25 ёшли хавбекнинг охирги икки мавсумдаги кўрсаткичлари шунчаки дахшатли. Қуйида Бруну Фернандеш ва Топ-5 чемпионатларидаги бошқа ҳужумкор марказий ярим ҳимоячиларнинг статистикаларини эътиборингизга ҳавола этамиз.

Гол уриш борасида юқори даража, ўтган мавсум бошидан бери 27та гол. Бу марказий ярим ҳимоячи учун жуда зўр натижа. Топ-5 чемпионатларидаги бошқа 10-рақам зонасида тўп тепувчилар ичида ажойиб кўрсаткич. Фернандеш "Манчестер Сити"нинг марказдаги дуэти Давид Силва ҳамда Кевин де Брюйнеларни қўшгандагидан ҳам кўпроқ тўп киритган.

2018/19 йилги мавсумдан	Бруну Фернандеш	Жеймс Мэддисон	Бернарду Силва	Кристиан Эриксен	Давид Силва	Филиппе Коутиньо	Кевин де Брюйне	Поль Погба
Ўйинлар	45	54	51	50	48	47	39	39
Дақиқалар	4032	4398	3791	3546	3369	2873	2659	3266
Голлар	27	12	11	10	8	10	9	1
Ассистлар	19	10	11	13	15	7	16	11
Зарбалар	165	130	87	98	77	105	89	111
Яратилган вазиятлар	158	148	95	88	94	52	111	68
Паслар	2533	2307	2368	2335	2733	1821	1842	2345
Паслар аниқлиги (%)	76.0	83.4	87.2	80.6	87.6	86.3	82.3	83.0
Рақиб жарима майдонида тўпга тегиниш	148	140	258	78	309	145	142	127
Муваффақиятли дриблинглар	55	84	73	17	44	69	48	62

"Юнайтед"да охирги вақтларда ярим ҳимоячиларнинг гол уриши кескин камайиб кетди. Асосан, Рэшфорд, Марсьяль ва Гринвуд голларга муаллифлик қилишмоқда. Бруну эса бу вазиятни ўзгартириши мумкин. Шунингдек, у рақиб дарвозаси томон тез-тез зарба бериши билан ҳам ажралиб туради. 2018-2019 йилги мавсум бошидан бери португал жами 165та зарба беришга улгурган.

Футболчи манкунианликлар билан шахсий шартнома шартлари борасида келишувга эришиб бўлгани хабар қилинмоқда. Клублар ўзаро келишиб олишса бас. Эртага тунда бўлиб ўтадиган Лиссабон дербиси ("Спортинг" - "Бенфика")дан кейин Бруну МЮ сафига ўтиши кутилмоқда. Ёзда битмаган иш қишда битиб кетадими ёки йўқ, ҳаммасини вақт кўрсатади.

Бруну Фернандеш "Манчестер Юнайтед" ярим ҳимоясига "янги қон" бўладими?!