Англия Кубоги финали доирасида "Манчестер Сити"га қарши ўйин олдидан "Манчестер Юнайтед" клуб ишчилари учун фақатгина ўйинга чипта ажратилишини маълум қилган, шу билан биргаликда ишчиларнинг яшаши учун меҳмонхонага ҳам пул тўланган. Лекин "Уэмбли"га бориш учун клуб ишчилари автобусга 20 фунтдан тўлаши керак бўлган.

Манкунианликлар сардори Бруну Фернандешга эса бу маъқул келмаган ва ўз ҳамёнидан барча чиқим пулларни тўлашга тайёрлигини билдирган. Лекин клуб раҳбарияти бунга рад жавобини берган. Манбаларга қараганда, клубдагилар бу ҳолатни клубнинг янги эгаларининг антирекламаси деб ҳисоблашган.

Эслатиб ўтамиз, финалда "Манчестер Юнайтед" 2:1 ҳисобида ғалабага эришганди.

Бруну МЮ раҳбарияти билан келиша олмаяпти