Марказий ва Жанубий минтақадаги саралаш ўйинларида 7та жамоа иштирок этади. Якунда ҳар иккала гуруҳдан биринчи-иккинчи ўринни қўлга киритган жамоалар Осиё чемпионатига йўл олади. Агар Туркманистон терма жамоаси биринчи ё иккинчи ўринни эгалласа, унда энг яхши 3-ўрин эгаси ҳам Осиё чемпионатига боради.

Кеча саралашнинг биринчи тур беллашувлари бўлиб ўтди. Баҳодир Аҳмедов бошчилигидаги Ўзбекистон терма жамоаси Афғонистонни 6:2 ҳисобида мағлуб этди. Гуруҳимиздаги иккинчи ўйинда эса Тожикистон Непал дарвозасига жавобсиз 6та тўп киритди.

Футзал. Осиё чемпионати саралашини йирик ғалаба билан бошладик

Бугун терма жамоамиз Непал билан баҳс олиб боради. Учрашув Тошкент вақти билан 17:00да старт олади. Гуруҳимиздаги яна бир ўйинда эса Афғонистон ва Тожикистон ўзаро тўқнаш келади.

"А" гуруҳи саралаш баҳслари тақвими
23 октябрь
14:30 - Тожикистон - Непал 6:0
17:00 - Ўзбекистон - Афғонистон 6:2

24 октябрь
14:30 - Афғонистон - Тожикистон
17:00 - Непал - Ўзбекистон

25 октябрь
14:30 - Непал - Афғонистон
17:00 - Ўзбекистон - Тожикистон

Бугун 17:00. Непал – Ўзбекистон