БАА ва Ўзбекистон терма жамоалари ўртасидаги ўртоқлик учрашуви 14 ноябрь куни Ал-Айн шаҳридаги “Халифа Бин Зайд” стадионида Тошкент вақти билан соат 18:00да бошланади.

Ушбу ўйин Рўзиқул Бердиев учун терма жамоа устози сифатидаги биринчи учрашуви бўлади. ЎФФ "Насаф" устозини терма жамоага вақтинча бош мураббий этиб тайинлаган.

Рўзиқул Бердиев Ўзбекистон МТЖ бош мураббийи сифатида саволларга жавоб қайтарди (батафсил)

Алберто Заккерони бошчилигидаги БАА Ўзбекистон билан учрашувдан олдин Гаити билан беллашди. Бу ўйинда Гаити ғолиб бўлди. Учрашув тақдирини битта гол ҳал қилди.

Ўртоқлик учрашуви. БАА Ўзбекистондан олдин Гаитига ютқазди.

Кеча Ўзбекистон терма жамоаси Ал Айн шаҳрида расмий ўйинолди машғулотини ўтказди. Терма жамоага чақирилган барча футболчилар соппа-соғ ва бугунги ўйинга тайёр.

Ўзбекистон МТЖнинг БААга қарши ўйин олдидан ўтказган машғулотидан ФОТОГАЛЕРЕЯ.

Ушбу жамоалар ўзаро 16-марта тўқнаш келишади. 15та ўйиннинг 8тасида БАА ғолиб чиққан, 3та ўйинда эса Ўзбекистон зафар қучган. Тўртта баҳсда ғолиб номи аниқланмаган. Қизиғи Ўзбекистон барча ғалабаларини БАА майдонида қўлга киритган. Қуйида ушбу жамоалар ўртасидаги барча ўйинлар натижалари билан танишинг:

Сана	Мезбон	Меҳмон	Ҳисоб	Шаҳар	Ўйин мақоми
19.11.1996	БАА	Ўзбекистон	4:2	Абу Даби, БАА	Ўртоқлик
22.11.1996	БАА	Ўзбекистон	2:0	Абу Даби, БАА	Ўртоқлик
27.09.1997	Ўзбекистон	БАА	2:3	Тошкент, Ўзбекистон	ЖЧ-1998 саралаши
02.11.1997	БАА	Ўзбекистон	0:0	Абу Даби, БАА	ЖЧ-1998 саралаши
27.11.1999	БАА	Ўзбекистон	0:1	Абу Даби, БАА	ОК-2000 саралаши
17.08.2001	БАА	Ўзбекистон	4:1	Абу Даби, БАА	ЖЧ-2002 саралаши
22.09.2001	Ўзбекистон	БАА	0:1	Тошкент, Ўзбекистон	ЖЧ-2002 саралаши
11.10.2003	БАА	Ўзбекистон	2:2	Дубай, БАА	Ўртоқлик
28.01.2009	БАА	Ўзбекистон	0:1	Дубай, БАА	ОК-2011 саралаши
03.03.2010	Ўзбекистон	БАА	0:1	Тошкент, Ўзбекистон	ОК-2011 саралаши
29.01.2012	БАА	Ўзбекистон	1:0	Дубай, БАА	Ўртоқлик
12.10.2012	БАА	Ўзбекистон	2:2	Дубай, БАА	Ўртоқлик
22.03.2013	БАА	Ўзбекистон	2:1	Абу Даби, БАА	ОК-2015 саралаши
05.03.2014	Ўзбекистон	БАА	1:1	Тошкент, Ўзбекистон	ОК-2015 саралаши
14.10.2014	БАА	Ўзбекистон	0:4	Дубай, БАА	Ўртоқлик

Бугун 18:00. БАА - Ўзбекистон