Самвел Бабаян бошчилигидаги Ўзбекистон терма жамоаси айни пайтда гуруҳда якка пешқадам бўлиб турибди. Бугунги ғалаба жамоани саралашнинг учинчи босқичига олиб чиқади. Баҳрайн эса учинчи ўринни эгаллаш ва Осиё кубоги-2019 саралашини давом эттиришга ҳаракат қилади.

Бугунги баҳсни БАА вакили Муҳаммад Абдулла Муҳаммад бошчилигидаги ҳакамлар бошқариб боришади. Кеча Бабаян ҳам, Баҳрайн устози Серхио Батиста ҳам ўйинолди матбуот анжуманида қатнашишди. Серхио Батиста Жаҳон ва Олимпиада чемпиони бўлгани ҳақида кеча маълумот бергандик. Ўзбекистон ва Баҳрайн терма жамоаларининг расмий машғулотларидан фотогалерея ҳам кеча тақдим этилганди.

Ўзбекистон ва Баҳрайн ўртасидаги баҳс 29 март куни Тошкентдаги "Бунёдкор" стадионида бўлиб ўтади. Учрашув соат 18:00да старт олади.

Бугун 18:00. Ўзбекистон - Баҳрайн