ЧЕМПИОНЛАР ЛИГАСИ

Чемпионлар лигаси плей-офф босқичи Тошкент вақти билан соат 15:00да бошланади.

Унда жами 20та жамоа ўз рақибини билиб олади. 10 та чемпион ва 10та чемпион бўлмаганлар икки томонга ажратилган. Улар бу босқичда тўқнаш келишмайди.

Чемпионлар йўли
Сараланганлар: «Базель» (Швейцария), «Селтик» (Шотландия), АПОЭЛ (Кипр), БАТЭ (Белоруссия), «Динамо» Загреб (Хорватия).
Сараланмаганлар: «Маккаби» Тель-Авив (Исроил), «Партизан» (Сербия), «Мальме» (Швеция), «Скендербеу» (Албания), «Астана» (Қозоғистон).

Чемпион бўлмаганлар йўли
Сараланганлар: «Манчестер Юнайтед» (Англия), «Валенсия» (Испания), «Байер» (Германия), «Шахтер» (Украина), «Спортинг» (Португалия).
Сараланмаганлар: ЦСКА (Россия), «Лацио» (Италия), «Брюгге» (Бельгия), «Монако» (Франция), «Рапид» (Австрия).

Чемпионлар йўлидаги сараланган жамоалар сараланмаганларга қарши ўйнайди. Чемпион ва чемпион бўлмаганлар ўзаро рақиб бўлишмайди. Масалан, "Базель" Чемпионлар йўлидаги сараланмаган жамоалардан бири («Маккаби» Тель-Авив, «Партизан», «Мальме», «Скендербеу» ёки «Астана») қарши ўйнайди.

Таъкидлаш лозимки, УЕФА ЦСКА ва «Шахтер» сиёсий сабаб туфайли бир-бирига рақиб бўлмаслигини таъминлайди.

ЕВРОПА ЛИГАСИ

Европа лигасининг плей-офф босқичига уръа ташлаш маросими соат 16:00да (Тошкент вақти) бошланади. Қуръада 22та сараланган жамоа 22та сараланмаган жамоага қарши кураш олиб боради.

Сараланган жамоалар орасида ҳамюртимиз Одил Аҳмедов тўп тепаётган "Краснодар" клуби бор.

Сараланмаганлар орасида Қозоғистоннинг "Қайрат" клуби мавжуд.

Сараланганлар: «Боруссия» Дортмунд (Германия), «Аякс» (Голландия), «Рубин» (Россия), «Атлетик» (Испания), АЗ (Голландия), «Ред Булл Зальцбург» (Австрия), «Виктория Пльзень» (Чехия), ПАОК (Греция), «Стяуа» (Руминия), «Янг Бойз» (Швейцария), «Спарта» (Чехия), «Фенербахче» (Туркия), «Стандард» (Бельгия), «Легия» (Польша), «Бордо» (Франция), «Панатинаикос» (Греция), «Лех» (Польша), «Сент-Этьен» (Франция), «Слован» (Чехия), «Саутгемптон» (Англия), «Краснодар» (Россия), «Белененсеш» (Португалия).

Сараланмаганлар: «Русенборг» (Норвегия), «Карабах» (Озарбайжон), «Хайдук» (Хорватия), ХИК (Финляндия), «Заря» (Украина), «Атромитос» (Греция), «Мельде» (Норвегия), «Тун» (Швейцария), «Астра» (Руминия), «Динамо» Минск (Белоруссия), «Яблонец» (Чехия), «Жилина» (Словакия), «Мидтъюлланд» (Дания), «Видеотон» (Венгрия), «Брондбю» (Дания), «Войводина» (Сербия), «Работнички» (Македония), «Милсами» (Молдавия), «Одд» (Норвегия), «Габала» (Озарбайжон), «Қайрат» (Қозоғистон).

Бугун ЕЧЛ ва Европа лигаси плей-офф босқичига қуръа ташланади