Тошкентда "Локомотив" Қўқон шаҳрининг "Қўқон-1912" жамоасини қабул қилади. "Локомотив" стадионида кечадиган баҳс соат 19:00да бошланади.

Мусобақа жадвалида "Локомотив" 9 очко билан 8-ўринни эгаллаб турибди. Тўплар нисбати 7-9. "Қўқон-1912" эса 6 очко жамғарган ҳолда 12-ўринда келмоқда. Қўқонликларда тўплар нисбати 2-8.

Охирги иккита учрашувни ғалаба билан якунлаган "Локомотив" навбатдаги беллашувга ҳам жиддий ҳозирлик кўрди. "Темирйўлчилар" ўтган тур сафарда "Нефтчи"ни 1:0 ҳисобида мағлуб этиб қайтишди. Ундан олдинги турда "Локо" ўз майдонида "Сурхон"дан 2:0 ҳисобида устун келганди.

"Қўқон-1912" эса охирги уч турни мағлубият билан якунлади. Бахтиёр Ашурматов шогирдлари уйда "Металлург"ни 1:0 ҳисобида мағлуб этганидан сўнг қаторасига АГМК, "Насаф" ва "Сурхон" билан кечган баҳсларда имкониятни бой беришди. Ва эътиборлиси, жамоа шу учала ўйинда тўп кирита олмади.

11 май, чоршанба.
19:00. ЛОКОМОТИВ – ҚЎҚОН-1912
Ҳакамлар: Вадим Агишев, Ришат Нугманов, Дониёр Сайлавов, Тўрабек Суюнов
Назоратчи: Дмитрий Роман
Комиссар: Муҳаммад Содиқ Содиқ-Охунов

Бугун футбол. "Локомотив" - "Қўқон-1912"