Бекободда "Металлург" Самарқанднинг "Динамо" клубини қабул қилади. Турнир жадвалида жамоалар ёнма-ён ўринларни эгаллаб турибди. "Металлург" 7 очко билан 11, "Динамо" эса 6 очко тўплаган ҳолда 12-ўринда келяпти.

"Металлург" мавсумни ғалаба билан бошлади ва илк турдаги ғалаба ҳамон ягоналигича қолмоқда Жамоа ўшанда ўз майдонида АГМКдан 1:0 ҳисобида устун келганди. Шундан бери бекободликлар 6та ўйинда майдонга тушиб, 4 дуранг ва икки мағлубият қайд этишди. Жамоанинг тўплар нисбати 4-6.

Бироз танаффусдан сўнг яна Суперлигага қайтган "Динамо" ҳам ҳозирча фақат бир марта ғалаба қозонган. "Динамо" ўз майдонида "Локомотив"дан устун келганди. Қолган ўйинларда эса жамоа ҳисобида 3 дуранг ва 4 мағлубият бор. Тўплар нисбати 6-9.

Биласизми? Ҳар икки жамоани ҳам бугунги кунда хорижлик мураббий бошқармоқда. "Металлург"да испаниялик Луисма Эрнандес ишлаётган бўлса, "Динамо"ни сербиялик Предраг Роган бошқаряпти. Бу томонлама ҳам бугунги ўйин қизиқ кечиши кутилмоқда. Ҳар ҳолда чет эллик мураббийларнинг қўллайдиган тактикаси қизиқишни оширади.

17 май, сешанба. 19:00

МЕТАЛЛУРГ – ДИНАМО

Ҳакамлар: Азиз Асимов, Олим Абдувосилов, Руслан Серазитдинов, Санжар Назаров

Назоратчи: Бахтиёр Намозов

Комиссар: Ойбек Юнусов

Бугун футбол. "Металлург" - "Динамо"