Жиззахдаги марказий стадионда "Сўғдиёна" ва "Пахтакор" ўзаро баҳс олиб боради. Бу ўйинга қандай таъриф бериш мумкин? Турнир жадвалининг юқори ўринларида бораётган жамоалар тўқнашуви, бир хил очко тўплаган жамоалар қарама-қаршилиги, чемпионлик учун курашаётган жамоалар ўйини ва ҳоказо.

Турнир жадвалида ҳар икки жамоа бир хил 26 очкодан тўплаб, кетма-кет ўринларни эгаллаб турибди. "Пахтакор" 13 учрашувнинг 7тасида ғалаба қозониб, 5 бор дуранг ўйнаган ва бир марта мағлуб бўлди. Тўплар нисбати 19-9.

"Сўғдиёна" ҳисобида эса 13 учрашувдан сўнг 8 ғалаба, 2 дуранг ва 3та мағлубият бор бўлиб, тўплар нисбати 21-13.

Бу жиззахликларнинг уйдаги 8-учрашуви бўлади. "Сўғдиёна" шу пайтгача уйда ўтказилган 7та ўйиндан тўрттасида зафар қучиб, бир марта дуранг қайд этган ва икки учрашувда мағлуб бўлган.

"Сўғдиёна" уйда:

"Динамо" - ғалаба, 1:0

"Олимпик" - дуранг, 1:1

"Металлург" - ғалаба, 2:0

"Насаф" - мағлубият, 1:2

"Қўқон-1912" - ғалаба, 3:0

"Қизилқум" - мағлубият, 0:3

"Бунёдкор" - ғалаба, 2:0

Биласизми? "Сўғдиёна" охирги уч турда икки бор ғалаба қозониб, битта ўйинда имкониятни бой берди.

"Пахтакор" ҳақида тўхталадиган бўлсак, бугун "шерлар" сафардаги 8-баҳсда майдонга тушади. Жамоа бунгача 7та ўйиннинг 4тасида ғалаба қозониб, 3 бор дуранг қайд этган. "Пахтакор" сафарда ҳали мағлуб бўлгани йўқ.

"Пахтакор" сафарда:

"Динамо" - ғалаба, 2:0

"Олимпик" - дуранг, 1:1

"Металлург" - ғалаба, 2:0

"Насаф" - дуранг, 0:0

"Қўқон-1912" - дуранг, 1:1

"Локомотив" - ғалаба, 2:0

"Қизилқум" - ғалаба, 2:0

Факт: "Пахтакор" сафардаги охирги иккита ғалабасини бир хил 2:0 ҳисоби билан якунлаган.

Бугун футбол. "Сўғдиёна" - "Пахтакор"