Турнир жадвалида "Сурхон" 4 очко билан 9-ўринни эгаллаб турибди. Бу жамоа тўртта ўйиндан биттасида ғалаба қозониб, бир бор дуранг ўйнади ва икки бор мағлуб бўлди. Тўплар нисбати 3-4.

"Сурхон" мавсумни ўз майдонида "Металлург"га қарши баҳс билан бошлаб 1:0 ҳисобида зафар қучди. Сўнгра жамоа сафарда "Андижон"га 0:1 ҳисобида мағлуб бўлиб, Термизда "Қўқон-1912" билан 1:1 ўйнади. Ўтган тур эса термизликлар ғалаба қозонишлари мумкин бўлган баҳсда "Сўғдиёна"га 1:2 ҳисобида ютқазиб қўйишди.

"Локомотив" ушбу чемпионатни қаторасига иккита мағлубият билан бошлади. "Темирйўлчилар" дастлаб сафарда АГМК ва уйда "Навбаҳор"га имкониятни бой беришди. Охирги иккита ўйин эса дуанг натижа билан якун топди. "Локо" ҳозирда 2 очко билан 13-ўринда боряпти. Тўплар нисбати 5-7.

Бугунги беллашув ҳам қизиқарли бўлиши кутиляпти. Имкониятлар борасида устунлик меҳмонлар томонида. Тўғри, "Сурхон" ўз майдонида ўйнайди, бироқ таркибдаги футболчилар маҳорати томонлама "Локомотив" кучли.

Coca Cola Суперлигаси. 5-тур

"Сурхон" - "Локомотив"

Бош ҳакам: Акобир Шукруллаев

Қанот ҳакамлари: Зуфар Элибоев, Фарҳод Усмонов.

Захира ҳаками: Виктор Григорьев.

Назоратчи: Арслон Ҳотамов

Комиссар: Ўнгар Жалимов

Бугун футбол. "Сурхон" - "Локомотив"