Қатар кубогида Юлдузлар лигасида дастлабки тўрт ўринни эгаллаган клублар иштирок этишди. Мамлакат чемпиони "Ал Райян" клуби қуръага кўра ярим финалда тўртинчи ўринни эгаллаган "Лаҳвия"га қарши ўйнади. Унда "Бунёдкор"нинг ОЧЛдаги рақиби "Лаҳвия" клуби 3:1 ҳисобида зафар қучди.

Ҳамюртимиз Сардор Рашидов тўп тепаётган "Ал Жайиш" бронза медалга эга чиққан Хави бошчилигидаги "Ал Садд" клуби билан куч синашди. Бу баҳсда "Ал Жайиш" ғолиб бўлди - 3:2.

Бугун ярим финал ғолиблари Доха шаҳридаги "Жассим Бин Ҳамад" стадионида бош соврин учун майдонга тушишади. Эслатиб ўтамиз, Рашидов бу мавсумда "Ал Жайиш" билан бирга Қатар Юлдузлар лигасида кумуш медалларни қўлга киритганди. Бугунги ўйинда ҳам Рашидов ва унинг жамоасига ғалаба ёр бўлишини тилаймиз.

Қатар кубоги. Финал
29 апрель 2016. Доха. "Жассим Бин Ҳамад" стадиони. 19:15 (Тошкентда 21:15)

"Лаҳвия" - "Ал Жайиш"

Бугун Қатар кубоги финалида "Ал Жайиш" "Лаҳвия" билан ўйнайди