Унда дарвозабон Фабьен Бартез 2001 йил ёзидаги мавсумолди турнеда чап вингер вазифасини бажарган.

Бартез ўша учрашувда футболчи сифатида (дарвозабон эмас) тушиш учун Алекс Фергюсонга дарвозадан кўра майдонда кўпроқ фойда келтиришини тушунтиришга уринган. "Мени посбон дейишнинг ўзи етарли эмас, чунки баҳсда максимал даражада иштирок этишни хоҳлайман" - деганди Бартез ўзи ҳақида.

"У тўпни назорат қилишни яхши кўради. Баъзи ўйинолди машғулотларида футболчи сифатида ҳаракат қиларди. У кучли техникага эга эди" - дея эслаган Фергюсон.

Бартезнинг орзуси Сингапур терма жамоасига қарши баҳсда амалга ошди. "Юнайтед" 7:1 ҳисобида олдинда эди ва захирада ўтирган Бартезга 10 дақиқа совға қилинди. У дарвозабонники бўлмаган футболкани олди (Бартез аввалига 7-рақамни олганди, бироқ унгача Бекхэм ушбу рақамдан фойдалангани учун ҳакамлар бошқа рақамли либсода майдонга тушишни сўраган) ва чап қанотга тушди.

Видеода ҳаммаси қандай бўлганини кўришингиз мумкин: Стадиондагилар олқиши, ҳимоячини алдаб ўтишга уриниш, жарима майдончаси ичига ажойиб пас ва омадсиз узатма. МЮ яна битта гол урди - афсуски, гол муаллифи Гиггз.

"Бошқа ўйинчилар қанотни тўп билан таъминларди, Бартез эса тўп кетидан югуравериб, тили осилиб қолганди" - дея ушбу воқеани юзида кулгу билан эслаган Фергюсон.

Бунақасини кўрмагансиз: Фабьен Бартез чап вингер ролида