"Der Spiegel" нашри хабарига кўра, Германия меҳнат вазирлиги уч вароқли ҳужжатни Бундеслига раҳбариятига жўнатган ва унда лиганинг давом эттирилиши икки варианти ёзиб берилган.

1-вариант: барча футболчилар, мураббийлар, тиббиёт ходимлари ва улар билан тўғридан-тўғри гаплашадиган шаҳслар мавсум якунига қадар карантинда бўлишади. Масалан, клублар бир меҳмонхонани мавсум якунига қадар ижарага олади.

2-вариант: спорт мусобақаси ўтаётган вақтда футболчи ва мураббийлар тиббиёт ниқобларида бўлишади. Ниқоблар бир марта фойдаланиладиганидан эмас, балки, тегишли тиббиёт стандартларига эга бўлиши керак. Ҳужжатда ёзилишича, футболчилар тўп учун курашаётган вақтида бу ниқоблар уларга ҳалақит қилмаслиги керак. Ўз навбатида футболчилар ўйин вақтида ниқобларига тегиши мумкин бўлмайди.

Агарда кимдир ўйин вақтида ниқобни ечиб қўйса, бош ҳакамга учрашувни тўхтатиш учун ҳуқуқ берилади. Танаффусда ҳам барча футболчилар бир-биридан 1,5 метр оралиғида бўлади.

Шунингдек, голни нишонлаш чоғида футболчилар бир-бирини табриклаши ман қилинади.

Бундеслига футболчилари мавсумни ниқобларда давом эттиришади