Унда Қозоғистон ва Ўзбекистоннинг жами 15та жамоаси иштирок этди.

Ўзбекистондан "Бунёдкор-2003" иккита жамоа билан мусобақада қатнашди: "Бунёдкор-A" ва "Бунёдкор-Б". Бундан ташқари Тошкентнинг 77-сонли спорт мактаб интернати ҳам юртимиз шарафини ҳимоя қилди.

Мураббий Алишер Иброҳимов қўл остидаги 2003 йилда таваллуд топган “Бунёдкор-Б”ни биринчи турда оғир ўйин кутиб турган эди. Мусобақа мезбонлари билан муросасиз ва бироз ноодатий ўйин бўлиб ўтди.

Ноодатийлиги шундаки, таркиблар ёзилаётганда ўйин протоколига "Бунёдкор-Б" ёш футболчиларининг фамилиаси ва исми ёзилган эди холос, рақами ёзилмаган эди. Шу сабаб мезбон жамоа ва ташкилий қўмита жамоамизга ўйинчи алмаштиришга рухсат беришмади. Шу боис “Бунёдкор-Б” бутун ўйинни бир таркиб билан бошлаб, хаттоки ўйинчи жароҳат олганида ҳам маълум муддат камчилик бўлиб ўйнашди!

Охир-оқибат мезбонлар “ҳар қанча уринишмасин” ўйин 2:0 ҳисобида “Бунёдкор” ғалабаси билан якун топди. Эртасига эса “Тараз-Энергетик” жамоаси йирик 9:1 ҳисобида тор-мор этилди.

Турнирнинг учинчи кунида эса "Астана" олимпия мактаби академиясига қарши майдонга чиқишди ва улар ҳам йирик 3:0 ҳисобида мағлуб этилди. Шундай қилиб юз фоизли натижа қайд этган “Бунёдкор-Б” ўз гуруҳида биринчи ўринни эгаллади!

Ёш “Бунёдкор”чиларни ярим финалда Қозоғистондаги Испания футбол академияси тарбияланувчилари кутиб туришган эди. Ушбу жамоа таркиби қисман ёш испан футболчилари ва испаниялик мураббийларни ташкил этди. Жамоа базаси эса Қозоғистонинг Актобе шаҳрида жойлашган. Муросасиз кечган баҳсда “Бунёдкор” ёшлари жавобсиз 2та гол уриб финалга йўл олишди.

Энг қизиғи финалда “Бунёдкор”нинг икки жамоаси ўзаро тўқнаш келди: “Бунёдкор-Б” Фурқат Самегов қўл остидаги “Бунёдкор-А” (асосой таркиб) жамоасига қарши майдонга тушди.

Бу финал турнир ташкилотчилари учун кутилмаган сюрприз бўлди, сабаби ушбу турнирда Қозоғистоннинг деярли барча вилоятларидан 11 жамоа иштрок этди, финалга эса “Бунёдкор-Б” ва “Бунёдкор-А” жамоалари чиқишди!

Ушбу финал “Бунёдкор” жамоасининг икки мураббийи Алишер Иброҳимов ва Фурқат Самеговлар дуэли бўлди десак адашмаган бўламиз муросасиз ва жуда қизиқарли бўлган финалнинг асосий вақти 0:0 ҳисоби билан якун топди. Пенальтилар сериясида eса 10:9 ҳисобида “Бунёдкор-Б" жамоаси ғлаба қозониб халқаро турнир ғолибига айланди!

Биз ҳам ўз номимиздан “Бунёдкор-Б” жамоасини турнир ғолиблиги билан табриклаб қоламиз.

“Бунёдкор-2003” Қозоғистондаги халқаро мусобақа ғолиби!