Тошкент шаҳар футбол федерацияси томонидан болалар ва ўсмирлар ўртасида аънавий тарзда ўтказиладиган биринчилик баҳсларининг жорий йилгиси секин-аста ўз якунига етиб бормоқда. Бешта ёш тоифасида ўтказилаётган турнирнинг 1999 йилда таваллуд топган футболчилардан иборат гуруҳи финишга етиб келди.

Қизиқарли ва муросасиз ўтган баҳсларда Дилмурод Абдуллаев устозлигидаги “Бунёдкор-99” футболчилари биринчи ўринни қўлга киритишди. Эътиборлиси, якуний жадвалга кўра, “Бунёдкор” ва “Спартак” тарбияланувчиларининг очколари сони бир хил – 33таданни ташкил этди. Ўзаро ўйинлар натижасига кўра, “қалдирғочлар” ғолиб деб топилдилар. Дилмурод Абдуллаев шогирдлари “Спартак”ни уйда 2:0 ҳисобида мағлубиятга учратишган бўлса, сафада жангавор дуранг – 2:2 ҳисоби қайд этилди.

Шу тариқа, “Бунёдкор” биринчи, “Спартак” иккинчи ва “Пахтакор” тарбияланувчилари учинчи бўлишди.

Эслатиб ўтамиз, яқинда "Бунёдкор-99" футболчилари олий ва биринчи лига клубларининг тайёрлов гуруҳлари ўртасидаги Республика биринчилигида ҳам бош совринни қўлга киритишган эди.

“Бунёдкор-99” мураббийлари ва футболчиларини ушбу муваффақият билан табриклаймиз.

Якуний жадвал

№	Жамоа	Ў	Ю	Д	М	Т-Ф	О
1	“Бунёдкор-А”	14	10	3	1	38-15	33
2	“Спартак”	14	10	3	1	23-8	33
3	“Пахтакор”	14	10	2	2	29-10	32
4	“Бунёдкор-Б”	14	5	1	8	14-23	16
5	БЎСМ-16	13	4	2	7	12-25	14
6	“Локомотив”	13	3	4	6	8-16	13
7	РОЗК	11	2	1	8	7-16	7
8	ШСФМИ-1	11	1	0	10	8-26	3

“Бунёдкор-99” - Тошкент шаҳар чемпиони!