Асосий таркиб ўйинлари, яъни "Бунёдкор" жамоасининг олий лига, Ўзбекистон Кубоги ва ОЧЛ ўйинларига муаммо йўқ.
Аммо академия, ўринбосарлар, ПФЛ кубоги, олий лига жамоаларининг машғулотларини кириб кўришнинг умуман иложи йўқ. Ўринбосарлар ўйини ПФЛ қонунига кўра мухлислар учун ҳам очиқ бўлиши керак аслида. ПФЛ доирасидаги бирорта ўйин ёпиқ ҳолатда ўтказилиши мумкин эмас, агарки ПФЛнинг ўзи буни тақиқламаса.

Қўлингизда ҳужжатингиз бўлса-да, "Бунёдкор"нинг ўйини бўлмаган ўйинларга ҳам бир нечта қўнғироқлар орқали амал-тақал қилиб ўйинга кирасиз. Сал бўшроқ бўлсангиз, жетонингизни ташлаб уйингизга кетаверасиз. Футбол ким учун, мухлис учун! Мухлисга ким етказади? ОАВ! Шундай экан, нега биз сарсон-саргардон бўлишимиз керак? Нега болалар футболини ёритишга ҳаққимиз йўқ?

"Бунёдкор" жамоаси билан анчадан бери ҳамкорлик қиламиз. Бирон марта уларга нисбатан асоссиз мақола ёзмаганмиз. Шундай экан, мазкур масаланинг ҳам кўриб чиқилишини илтимос қиламиз. Футбол аввало мухлис учун, мухлисга эса хабарларни БИЗ етказамиз!

ОАВ қўлида ПФЛ томонидан берилган ҳужжат бор экан, демак у қоровулга ўшани кўрсатган ҳолда стадион ҳудудига кириш ҳуқуқига эга.

П.С: Бу муаммо икки йилдан бери давом этаётганлиги учун ёзишга мажбур бўлдик.

Суратга изоҳ: Бу стадионга йил давомида ОАВ кириб, мухлисларга қайноқ хабарларни етказиб туриши керак.

"Бунёдкор" академиясида ўйин ё ўтказманг, ё ОАВга йўл очинг!